జలధార-జలహారతిలో అవకతవకలు చేస్తే సస్పెన్షన్ ఏలూరు జిల్లా కలెక్టర్ వెట్రిసెల్వి

జలధార-జలహారతి కార్యక్రమంలో ఎలాంటి అవకతవకలకు పాల్పడినా సంబంధిత అధికారులపై సస్పెన్షన్ చర్యలు తప్పవని ఏలూరు జిల్లా కలెక్టర్ కె. వెట్రిసెల్వి హెచ్చరించారు.

కాల్వలు, చెరువుల్లో నీటి నిల్వ సామర్థ్యాన్ని పెంచే లక్ష్యంతో కనీసం రెండు అడుగుల మేర పూడికతీత చేపట్టాలని ఆదేశించారు. జలధార-జలహారతి కింద గ్రామాల్లో అర్హత కలిగిన అన్ని పనులను గుర్తించి ప్రతిపాదనలు పంపాలని సూచించారు.

ఇప్పటికే మంజూరైనప్పటికీ ఇంకా ప్రారంభం కాని పనులను వెంటనే ప్రారంభించాలని అధికారులను ఆదేశించారు. జలధార-జలహారతి కార్యక్రమం అమలుపై అధికారులతో నిర్వహించిన సమీక్ష సమావేశంలో కలెక్టర్ ఈ మేరకు స్పష్టం చేశారు.

ప్రతి పనిలో పారదర్శకత పాటిస్తూ, నిబంధనల ప్రకారం పనులు పూర్తి చేయాలని అధికారులకు సూచించారు.