కరీంనగర్ ప్రభుత్వ ప్రధాన ఆసుపత్రిలో ఘనంగా సేఫ్ మదర్హుడ్ డే
కరీంనగర్ ప్రభుత్వ ప్రధాన ఆసుపత్రిలో ఘనంగా 'సేఫ్ మదర్హుడ్ డే'
తల్లి ఆరోగ్యమే సమాజానికి శ్రీరామరక్ష: అదనపు కలెక్టర్ డా. అశ్విని తానాజీ
ప్రభుత్వ పథకాలను గర్భిణీలు సద్వినియోగం చేసుకోవాలి: DM&HO డా. వెంకటరమణ
కరీంనగర్, ఏప్రిల్ 08:
ప్రజాపాలన ప్రగతి పథకాలలో భాగంగా బుధవారం కరీంనగర్ ప్రభుత్వ ప్రధాన ఆసుపత్రి (GGH)లో 'సేఫ్ మదర్ డే' (సురక్షిత మాతృత్వ దినోత్సవం) కార్యక్రమం అత్యంత ఘనంగా నిర్వహించబడింది.
ముఖ్య అతిథి ప్రసంగం:
ఈ కార్యక్రమానికి ముఖ్య అతిథిగా విచ్చేసిన అదనపు కలెక్టర్ డాక్టర్ అశ్విని తానాజీ గారు మాట్లాడుతూ, గర్భిణీ స్త్రీల ఆరోగ్య సంరక్షణ అనేది కేవలం వారి కుటుంబానికే పరిమితం కాకుండా, మొత్తం సమాజం యొక్క బాధ్యత అని ఉద్ఘాటించారు. "తల్లి ఆరోగ్యంగా ఉంటేనే ఆరోగ్యవంతమైన సమాజ నిర్మాణం సాధ్యమవుతుంది" అని ఆమె పేర్కొన్నారు.
వైద్య ఆరోగ్య శాఖ సూచనలు:
జిల్లా వైద్య మరియు ఆరోగ్య శాఖ అధికారి (DM&HO) డాక్టర్ వెంకటరమణ గారు మాట్లాడుతూ.. గర్భిణీలు గర్భధారణ సమయంలో క్రమం తప్పకుండా వైద్య పరీక్షలు చేయించుకోవాలని సూచించారు. సమతుల్య పోషకాహారం తీసుకోవడం ద్వారా ప్రసవ సమయంలో ఎదురయ్యే ఇబ్బందులను అధిగమించవచ్చని తెలిపారు. ప్రభుత్వం గర్భిణీలు మరియు శిశువుల సంక్షేమం కోసం అమలు చేస్తున్న వివిధ పథకాలను ప్రజలు సద్వినియోగం చేసుకోవాలని ఆయన కోరారు.
అవగాహన కల్పన:
ఆసుపత్రి వైద్యులు డాక్టర్ పద్మజ గారు సురక్షిత మాతృత్వంపై అవగాహన కల్పిస్తూ, ప్రసూతికి ముందు మరియు తర్వాత తీసుకోవాల్సిన జాగ్రత్తలను వివరించారు.
పాల్గొన్న ప్రముఖులు:
ఈ కార్యక్రమంలో ఆసుపత్రి సూపర్డెంట్ డాక్టర్ వీరారెడ్డి, జిల్లా సంక్షేమ అధికారి (DWO) సరస్వతి, పి.ఓ.ఎం.హెచ్.ఎన్ డాక్టర్ సన, పలువురు వైద్యులు, నర్సింగ్ సిబ్బంది, గర్భిణీ స్త్రీలు మరియు ఇతర ఆరోగ్య శాఖ సిబ్బంది పాల్గొన్నారు.
జారీ చేసిన వారు:
జిల్లా వైద్య మరియు ఆరోగ్య శాఖ అధికారి,
కరీంనగర్ జిల్లా.
