మధిర: సాధారణ కుటుంబం నుంచి వైద్య విద్యలో సీటు....
మధిర: సాధారణ కుటుంబం నుంచి వైద్య విద్యలో సీటు.. పూజితకు పోలీసు అధికారుల అభినందనలు
పూజితకు అభినందనలు
సాధారణ కుటుంబం నుంచి ఎంబీబీఎస్‌లో సీటు.. పూజితకు అభినందనలు
మధిర: కృషి, పట్టుదలతో సాధారణ కుటుంబం నుంచి వైద్య విద్యలో సీటు సాధించిన పూజితను మధిర టౌన్ పోలీసు అధికారులు అభినందించారు. తెలంగాణ రాష్ట్రం ఖమ్మం జిల్లా మధిర నియోజకవర్గం మధిర పట్టణ పోలీసు స్టేషన్‌లో కారు డ్రైవర్‌గా విధులు నిర్వహిస్తున్న మడుపల్లి వాసి పి. మురళి పెద్ద కుమార్తె పూజిత సిద్ధిపేట వైద్య కళాశాలలో ఎంబీబీఎస్‌ సీటు సాధించింది. ఈ సందర్భంగా మధిర టౌన్ సీఐ రమేష్, ఎస్సై కిషోర్ ఆమెను అభినందించి శుభాకాంక్షలు తెలిపారు.
అతి సామాన్య కుటుంబం నుంచి కష్టపడి చదివి వైద్య విద్యలో సీటు సాధించడం అభినందనీయమని వారు పేర్కొన్నారు. పూజిత తన కృషి, పట్టుదలను కొనసాగిస్తూ భవిష్యత్తులో మరిన్ని విజయాలు సాధించాలని ఆకాంక్షించారు. వైద్య విద్యను విజయవంతంగా పూర్తి చేసి ఉన్నత స్థాయికి చేరుకుని తల్లిదండ్రులకు, స్వగ్రామానికి మంచి పేరు తీసుకురావాలని కోరారు. పూజిత సాధించిన విజయం ఇతర విద్యార్థులకు స్ఫూర్తిగా నిలుస్తుందని సీఐ రమేష్, ఎస్సై కిషోర్ పేర్కొన్నారు.
