మెగా పీటీఎంలో విద్యా సంస్కరణలపై మోరంపూడి శ్రీనివాసరావు ప్రశంసలు
ఏలూరు జిల్లా, చాట్రాయి: ముఖ్యమంత్రి చంద్రబాబు దూరదృష్టి, విద్యాశాఖ మంత్రి నారా లోకేష్ నిరంతర కృషి ఫలితంగా రాష్ట్రంలో విద్యా వ్యవస్థ రూపురేఖలు వేగంగా మారుతున్నాయని నూజివీడు నియోజకవర్గ తెలుగు రైతు అధ్యక్షుడు మోరంపూడి శ్రీనివాసరావు అన్నారు.
శుక్రవారం చాట్రాయి మండలం చనుబండ గ్రామంలోని జిల్లా పరిషత్ ఉన్నత పాఠశాలలో ప్రధానోపాధ్యాయుడు రవీంద్రనాథ్ అధ్యక్షతన మెగా పేరెంట్–టీచర్ మీట్ ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన మోరంపూడి శ్రీనివాసరావు మాట్లాడుతూ, విద్యార్థుల సమగ్ర అభివృద్ధికి తల్లిదండ్రులు, ఉపాధ్యాయులు సమన్వయంతో పనిచేయాలని సూచించారు. ప్రభుత్వం అమలు చేస్తున్న విద్యా సంస్కరణలు ప్రభుత్వ పాఠశాలలపై ప్రజల్లో విశ్వాసాన్ని మరింత పెంచుతున్నాయని పేర్కొన్నారు.
ఈ కార్యక్రమంలో కందుల కృష్ణ, నక్కా రాము, మోరంపూడి సత్యనారాయణ, నెక్కలపు వెంకటేశ్వరరావు, మోరంపూడి రమేష్, గుడిమళ్ల బ్రహ్మయ్య, చింతగుంట్ల వెంకటేశ్వరరావు, బన్నే వీరయ్య, మోదుగు ముత్తయ్య, నక్కా రత్నారావు, మిద్దె చెన్నారావు, ఉపాధ్యాయులు, తల్లిదండ్రులు, విద్యార్థులు, ఆరోగ్య శాఖ సిబ్బంది, సచివాలయ సిబ్బంది పాల్గొన్నారు.
