మోడీ పాలనపై హరినాథ్ విమర్శలు, దేశంలో అప్రకటిత ఎమర్జెన్సీ ఎలర్ట్

ఏలూరు జిల్లా నూజివీడు నియోజకవర్గం ముసునూరు మండల కేంద్రంలో ఇటీవల సీపీఐ ఎంఎల్ లిబరేషన్ సమావేశం నిర్వహించబడింది. రాష్ట్ర కార్యవర్గ సభ్యుడు డి. హరినాథ్ ప్రసంగంలో మోడీ 12 సంవత్సరాల పాలనలో రికార్డు సాధించాడనే ప్రచారాన్ని ఖండించారు. నెహ్రూ, ఇందిరా రికార్డును మోడీ అధిగమించలేదని స్పష్టంగా తెలిపారు.

హరినాథ్ అన్నారు, దేశ సంపద నలుగురి చేతుల్లో బంధీ అయిందని, మోడీ–అమిత్ షా అమ్ముతున్నప్పుడు ఆదాని, అంబానీలు కొంటున్నారని. వీరు నలుగురూ గుజరాతీ వారేనని విశేషంగా పేర్కొన్నారు. ఆయన ఈస్ట్ ఇండియా కంపెనీ దోచిన విధానం నేడు వెస్ట్ ఇండియా దోచుకునే పరిస్థితిగా మారిందని విమర్శించారు.

ప్రొఫెసర్ సాయిబాబా, స్టాన్ స్వామి వంటి హక్కుల ఉద్యమ నేతలను బెయిల్ ఇవ్వకుండా నిర్బంధించిన సంగతి, డేరా బాబా వంటి రేపిస్టులకు 4 పర్యాయములు ఫెరోలు ఇవ్వడం వంటి వివాదాలను హరినాథ్ కచ్చితంగా ఎద్దేవా చేశారు.

మోడీ ఫెడరల్ హక్కులను హరిస్తూ, రాష్ట్రాలను కుదించడమే లక్ష్యంగా ఉన్నారని, దీనికి చంద్రబాబు మోడీ భజన చేయటం హాస్యాస్పదమని వ్యాఖ్యానించారు. అదేవిధంగా, అంబేద్కర్ రాజ్యాంగాన్ని మార్చి మనువాద రాజ్యాంగాన్ని తీసుకోవాలని మోడీ పరివార్ ప్రయత్నిస్తున్నారని, సనాతన ధర్మం పేరుతో మహిళల హక్కులను హరిస్తున్నారని ఆవేదన వ్యక్తం చేశారు 

హరినాథ్ మాట్లాడుతూ, దేశంలో అప్రకటిత ఎమర్జెన్సీ రాజ్యమేలుతోందని, మోడీ హఠావోదేశ్ బచావో ఉద్యమాన్ని బలోపేతం చేయనున్నట్లు తెలిపారు.

ఈ కార్యక్రమంలో జిల్లా కార్యదర్శి దుర్గం పుల్లారావు, ఏ సీసీటీయీ జిల్లా కార్యదర్శి వేముల బక్కయ్య, జిల్లానాయకులు చాట్ల బాబురావు, కలపాల వెంకటేశ్వరరావు, భవాని తదితరులు పాల్గొన్నారు.