ముల్కల్ల మల్లారెడ్డికి కాంగ్రెస్ నేతల అశ్రునివాళి - కుటుంబ సభ్యులకు ప్రగాఢ సానుభూతి తెలిపిన నగర కాంగ్రెస్ అధ్యక్షులు
మంచిర్యాల పట్టణానికి చెందిన ప్రముఖ విద్యావేత్త, చైతన్య విద్యాసంస్థల అధినేత మరియు బీజేపీ నాయకులు శ్రీ ముల్కల్ల మల్లారెడ్డి గారి భౌతికకాయానికి కాంగ్రెస్ నాయకులు పూలమాలలు వేసి ఘనంగా నివాళులర్పించారు.
మల్లారెడ్డి గారి మరణవార్త తెలుసుకున్న వెంటనే కాంగ్రెస్ పార్టీ నగర అధ్యక్షులు తూముల నరేష్, కార్పొరేటర్ షేర్ పవన్, నగర ఉపాధ్యక్షులు వంగపల్లి రవీందర్ రావు మరియు ఇతర కాంగ్రెస్ నాయకులు ఆయన పార్థివ దేహాన్ని సందర్శించి శ్రద్ధాంజలి ఘటించారు.
ఈ సందర్భంగా నాయకులు మాట్లాడుతూ.. మంచిర్యాల ప్రాంతంలో విద్యా రంగానికి మల్లారెడ్డి గారు చేసిన విశేష సేవలను గుర్తుచేసుకున్నారు. ఆయన ఆత్మకు శాంతి చేకూరాలని భగవంతుడిని ప్రార్థిస్తూ, శోకతప్త హృదయాలైన వారి కుటుంబ సభ్యులకు తమ ప్రగాఢ సానుభూతిని తెలియజేశారు. ఈ కార్యక్రమంలో పలువురు కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు
