నేటి నుంచి దేశవ్యాప్తంగా VB-G RAM G చట్టం అమలు
న్యూఢిల్లీ: గ్రామీణ ఉపాధి, మౌలిక వసతుల అభివృద్ధికి కేంద్ర ప్రభుత్వం తీసుకొచ్చిన VB-G RAM G చట్టం నేటి నుంచి దేశవ్యాప్తంగా అమల్లోకి వచ్చింది. ఇప్పటివరకు అమల్లో ఉన్న మహాత్మా గాంధీ జాతీయ గ్రామీణ ఉపాధి హామీ పథకం (MGNREGA) స్థానంలో ఈ కొత్త చట్టాన్ని తీసుకొచ్చారు.
ఈ చట్టం కింద గ్రామీణ కుటుంబాలకు ఏడాదికి 125 రోజుల ఉపాధి హామీ కల్పించనున్నారు. ఉపాధితో పాటు గ్రామీణ కుటుంబాల ఆదాయం పెంపు, గ్రామాల్లో మౌలిక సదుపాయాల కల్పనపై ప్రత్యేక దృష్టి సారించనున్నారు.
రేపు తిరుపతిలో VB-G RAM G కార్యక్రమాన్ని ప్రారంభించనున్నారు. ఆంధ్రప్రదేశ్లో ఈ చట్టాన్ని అమలు చేయాలని కూటమి ప్రభుత్వం నిర్ణయించింది. ఇదే అంశంపై తెలంగాణ కేబినెట్ కూడా రేపు నిర్ణయం తీసుకోనుంది.
ఈ పథకానికి సంబంధించిన నిధుల్లో కేంద్రం-రాష్ట్రాల వాటా నిష్పత్తిని 60:40గా నిర్ణయించారు. గ్రామీణ ప్రాంతాల్లో ఉపాధి అవకాశాలు పెరగడంతో పాటు అభివృద్ధి పనులకు ఈ చట్టం ఊతమివ్వనుందని కేంద్ర ప్రభుత్వం భావిస్తోంది.
