న్యూఢిల్లీలో రాజకీయ ఆత్మీయ భేటీ.. సమకాలీన అంశాలపై చర్చ

న్యూఢిల్లీలో రాజకీయ ఆత్మీయ భేటీ.. సమకాలీన అంశాలపై చర్చ

న్యూఢిల్లీ: దేశ రాజధాని న్యూఢిల్లీలోని విజయవాడ పార్లమెంట్ సభ్యుడు కేశినేని శివనాథ్ (చిన్ని) నివాసంలో బుధవారం సాయంత్రం ఆత్మీయ, సౌహార్దపూర్వక సమావేశం జరిగింది. ఈ సమావేశంలో ఆంధ్రప్రదేశ్ శాసనసభ డిప్యూటీ స్పీకర్ రఘురామ కృష్ణంరాజు, మాజీ మంత్రి మాగంటి బాబు మర్యాదపూర్వకంగా భేటీ అయ్యారు. స్నేహపూర్వక వాతావరణంలో సాగిన ఈ సమావేశంలో రాష్ట్ర, జాతీయ రాజకీయ పరిణామాలతో పాటు పలు సమకాలీన అంశాలపై పరస్పరం అభిప్రాయాలు పంచుకున్నట్లు తెలిసింది. ప్రజా సమస్యలు, అభివృద్ధి కార్యక్రమాలు, పార్లమెంట్ సమావేశాల నేపథ్యంలో తీసుకోవాల్సిన చర్యలపై కూడా చర్చించినట్లు సమాచారం. అనంతరం పరస్పరం శుభాకాంక్షలు తెలియజేసుకుంటూ ఆత్మీయంగా ముచ్చటించారు. ఈ భేటీ రాజకీయ వర్గాల్లో ఆసక్తికర చర్చకు దారితీసింది.