మదనపల్లె ప్రభుత్వ ఆసుపత్రిలో పురిటిబిడ్డ మృతి

అన్నమయ్య జిల్లా, మదనపల్లె:

మదనపల్లె జిల్లా ప్రభుత్వ ఆసుపత్రిలో శుక్రవారం వేకువజామున పురిటిబిడ్డ మృతి చెందిన ఘటన చోటుచేసుకుంది. బాధిత కుటుంబ సభ్యుల కథనం ప్రకారం.. పుంగనూరు పట్టణానికి చెందిన సాదిక్ భాషా భార్య సుమియా సుల్తానా రెండు రోజుల క్రితం పురిటి నొప్పులతో మదనపల్లె ప్రభుత్వ ఆసుపత్రిలో చేరారు.

డెలివరీ ఆలస్యం కావడంతో ఆసుపత్రిలో నీటి కొరత ఉందని, స్నానం చేసేందుకు స్థానిక సిబ్బంది సూచన మేరకు గురువారం బసినికొండలోని బంధువుల ఇంటికి వెళ్లినట్లు కుటుంబ సభ్యులు తెలిపారు. స్నానం అనంతరం అదే రోజు రాత్రి 10.30 గంటలకు తిరిగి ఆసుపత్రికి వచ్చినట్లు పేర్కొన్నారు.

అనంతరం వైద్యులు పరీక్షలు నిర్వహించారని, సాధారణ ప్రసవ సమయంలో బిడ్డ తల ముందుగా రావాల్సి ఉండగా పేగు ముందుగా రావడంతో పరిస్థితి విషమించి బిడ్డ మృతి చెందినట్లు వైద్యులు తెలిపారని బాధిత కుటుంబ సభ్యులు వెల్లడించారు.

ఘటనకు సంబంధించిన పూర్తి వివరాలు, వైద్యపరమైన కారణాలపై ఆసుపత్రి అధికారులు అధికారికంగా వెల్లడించాల్సి ఉంది. ఘటనపై మరిన్ని వివరాలు తెలియాల్సి ఉంది.

గమనిక: బాధిత కుటుంబ సభ్యుల ఆరోపణలను అధికారిక నిర్ధారణగా కాకుండా వారి వాంగ్మూలంగా మాత్రమే పేర్కొన్నాం.