పిడుగు పడి వరిగడ్డి వాము దగ్ధం…

పిడుగు పడి వరిగడ్డి వాము దగ్ధం… ఇబ్రహీంపట్నంలో కలకలం

ఎన్టీఆర్ జిల్లా ఇబ్రహీంపట్నం మండలం గుంటుపల్లి గ్రామం జయప్రద నగర్ వద్ద సాంబశివ అపార్ట్మెంట్ పక్కన ఉన్న వరిగడ్డి వాము పై అకస్మాత్తుగా పిడుగు పడింది. ఈ ఘటనతో వాము వెంటనే మంటలు అంటుకుని పూర్తిగా దగ్ధమైంది.

స్థానికులు గమనించి వెంటనే స్పందించి మంటలను అదుపులోకి తీసుకురావడానికి ప్రయత్నించారు. సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని మంటలను పూర్తిగా ఆర్పివేశారు.

ఈ ప్రమాదంలో ఎవరికి ప్రాణాపాయం జరగకపోవడం ఉపశమనకరం. అయితే వరిగడ్డి వాము పూర్తిగా కాలిపోవడంతో యజమానికి ఆర్థిక నష్టం వాటిల్లినట్లు సమాచారం. ఘటనపై స్థానికులు ఆందోళన వ్యక్తం చేస్తున్నారు.