అక్క మహాదేవి మహిళా వసతి గృహంలో ఘనంగా హాస్టల్ డే వేడుకలు

ద్రావిడ విశ్వవిద్యాలయం అక్క మహాదేవి మహిళా వసతి గృహంలో ఘనంగా హాస్టల్ డే వేడుకలు  ద్రావిడ విశ్వవిద్యాలయం అక్క మహాదేవి మహిళ

ద్రావిడ విశ్వవిద్యాలయం అక్క మహాదేవి మహిళా వసతి గృహంలో ఘనంగా హాస్టల్ డే వేడుకలు

ద్రావిడ విశ్వవిద్యాలయం అక్క మహాదేవి మహిళా వసతి గృహంలో హాస్టల్ డే వేడుకలు ఘనంగా నిర్వహించబడ్డాయి. ఈ కార్యక్రమానికి  ఉపకులపతి ప్రొఫెసర్ ఎల్. సి. మల్లయ్య ముఖ్య అతిథిగా హాజరై తన సందేశాన్ని అందించారు.

ఈ సందర్భంగా ఉపకులపతి  మాట్లాడుతూ, అక్క మహాదేవి మహిళా వసతి గృహ విద్యార్థినులు ఉత్సాహంతో, ఐక్యతా భావంతో ఈ కార్యక్రమాన్ని నిర్వహించడం ఎంతో ఆనందంగా ఉందన్నారు. ఇలాంటి వేడుకలు యువ మహిళల్లో ఆత్మవిశ్వాసం, నాయకత్వ లక్షణాలు, సృజనాత్మకత, సామాజిక అవగాహన పెంపొందించి, వారిని బాధ్యతాయుతమైన పౌరులుగా మరియు భావి నాయకులుగా తీర్చిదిద్దుతాయని పేర్కొన్నారు.

మహిళా విద్యార్థినులకు సురక్షితమైన, సమానత్వపూర్వకమైన, సాధికారత కలిగించే వాతావరణాన్ని కల్పించడంలో ద్రావిడ విశ్వవిద్యాలయం ఎల్లప్పుడూ  కృషి చేస్తుందని తెలిపారు. విద్యార్థినులందరూ విద్య, పరిశోధన, సాంస్కృతిక కార్యక్రమాలు మరియు సామాజిక సేవలో ధైర్యం, దీక్షతో రాణించాలని ఆయన ప్రోత్సహించారు.

ఈ ప్రత్యేక సందర్భంలో కార్యక్రమాన్ని విజయవంతంగా నిర్వహించిన వార్డెన్లు, సిబ్బంది, విద్యార్థినులకు ఆయన అభినందనలు తెలియజేశారు. ఈ వేడుక ప్రతి విద్యార్థిని సమానత్వం, ఆత్మగౌరవం, సాధికారత విలువలను నిలబెట్టేలా ప్రేరణనివ్వాలని ఆకాంక్షించారు.

ఈ కార్యక్రమంలో  రిజిస్టర్ ప్రొఫెసర్ వి. కిరణ్ కుమార్ , డీన్ అకాడమిక్ అఫైర్స్ ప్రొఫెసర్ కె. శ్యామల , ప్రిన్సిపాల్ ప్రొఫెసర్ విజయవర్ధిని , వార్డెన్ ప్రొఫెసర్ శ్రావణ్ కుమార్ , డా. శైలమ్మ ,  కళావతి,  స్వర్ణ దేవ కుమారి హాస్టల్ సెక్రటరీ పవిత్ర పరిశోధక విద్యార్థులు మరియు విద్యార్థినులు పాల్గొన్నారు. డా.పి.ఎస్ గణేష్ మూర్తి పి.ఆర్.ఓ ద్రావిడ విశ్వవిద్యాలయం, కుప్పం