సిరిపురంలో వెలగపూడి శివరాం ప్రసాద్‌కు ఘన నివాళి

తెలంగాణ రాష్ట్రం ఖమ్మం జిల్లా మధిర నియోజకవర్గం సిరిపురం గ్రామంలో ఉమ్మడి ఆంధ్రప్రదేశ్ రాష్ట్ర మాజీ మార్క్‌ఫెడ్ డైరెక్టర్, సీనియర్ నాయకుడు వెలగపూడి శివరాం ప్రసాద్ మొదటి వర్ధంతి కార్యక్రమాన్ని మంగళవారం కుటుంబ సభ్యుల ఆధ్వర్యంలో ఘనంగా నిర్వహించారు.

ఈ సందర్భంగా వెలగపూడి శివరాం ప్రసాద్ చిత్రపటానికి పలువురు పూలమాలలు వేసి నివాళులర్పించారు. అనంతరం నిర్వహించిన సభలో వక్తలు ఆయన ప్రజా సేవలను, నాయకత్వ లక్షణాలను గుర్తుచేసుకుంటూ ఘనంగా కొనియాడారు. సమాజానికి, ప్రజలకు ఆయన అందించిన సేవలు చిరస్మరణీయమని పేర్కొన్నారు.

ఈ కార్యక్రమంలో కాంగ్రెస్ నాయకులు వేమిరెడ్డి లక్ష్మారెడ్డి, మాజీ సర్పంచ్ కనకపూడి సులోమాన్, జర్నలిస్టు జీవి, ప్రభాకర్, భాస్కర్, రవి తదితరులు పాల్గొన్నారు.