ట్రైనీ ఐపీఎస్ ఉదయ్‌కృష్ణారెడ్డికి రెండు రోజుల పోలీస్ కస్టడీ.. నేడు, రేపు విచారణ

తెలంగాణ: ట్రైనీ ఐపీఎస్ ఉదయ్‌కృష్ణారెడ్డిని పోలీసులు రెండు రోజుల పాటు కస్టడీలోకి తీసుకున్నారు. సహచర ట్రైనీ ఐపీఎస్‌ను వేధించిన కేసులో ఆయనను పోలీసులు విచారించనున్నారు. ఈ కేసులో గత నెల 28న ఉదయ్‌కృష్ణారెడ్డిని అరెస్ట్ చేయగా, ప్రస్తుతం ఆయన చంచల్‌గూడ జైలులో ఉన్నారు.

కేసు దర్యాప్తులో భాగంగా ఉదయ్‌కృష్ణారెడ్డిని కస్టడీలోకి తీసుకుని కీలక వివరాలు సేకరించేందుకు పోలీసులు కోర్టును ఆశ్రయించారు. విచారణకు అనుమతించిన కోర్టు రెండు రోజుల కస్టడీకి అనుమతి ఇచ్చింది. దీంతో నేడు, రేపు పోలీసులు ఆయనను ప్రశ్నించనున్నారు. విచారణలో సేకరించే వివరాల ఆధారంగా తదుపరి చర్యలు తీసుకునే అవకాశం ఉంది.