తిరువూరులో అక్రమ ఇసుక రవాణాపై ఆర్డీవో ఆకస్మిక తనిఖీ

తిరువూరులో అక్రమ ఇసుక రవాణాపై ఆర్డీవో ఆకస్మిక తనిఖీ

తిరువూరు: తిరువూరులో అక్రమ ఇసుక రవాణాపై రెవెన్యూ అధికారులు ఉక్కుపాదం మోపారు. తిరువూరు రెవెన్యూ డివిజనల్ అధికారి కోగిలంపాడు రోడ్డులోని కట్లేరు వాగులో ఆకస్మిక తనిఖీలు నిర్వహించి, ఎలాంటి అనుమతులు లేకుండా ఇసుక తరలిస్తున్న రెండు ట్రాక్టర్లను పట్టుకున్నారు.

పట్టుబడిన ట్రాక్టర్లను తదుపరి చర్యల కోసం తిరువూరు తహసీల్దార్‌కు అప్పగించారు. సంబంధిత నిబంధనల ప్రకారం కేసులు నమోదు చేసి, తగిన చట్టపరమైన చర్యలు చేపట్టాలని ఆదేశించారు.

అక్రమ ఇసుక రవాణాపై నిరంతరం ప్రత్యేక నిఘా కొనసాగుతుందని, అనుమతులు లేకుండా ఇసుక తవ్వకం లేదా రవాణా చేపట్టిన వారిపై కఠిన చర్యలు తీసుకుంటామని అధికారులు హెచ్చరించారు.