మిషన్ భగీరథ పైపులైన్ లీకేజీకి త్వరితగతిన మరమ్మతులు

NTODAY NEWS: గొల్లపల్లి మండలం రిపోర్టర్ లక్ష్మణ్ గొల్లపల్లి మోడల్ స్కూల్‌కు వెళ్లే ప్రధాన రహదారి పక్కన ఉన్న మిషన్ భగీరథ పైపులైన్ లీకేజీ సమస్యను స్థానిక ప్రజాప్రతినిధులు వెంటనే స్పందించి పరిష్కరించారు. వివరాల్లోకి వెళ్తే: గత కొంతకాలంగా మోడల్ స్కూల్ రహదారి వద్ద పైపులైన్ లీకేజీ కారణంగా నీరు వృథా కావడమే కాకుండా రాకపోకలకు తీవ్ర ఇబ్బందిగా మారింది. ఈ విషయం తెలిసిన వెంటనే స్థానిక సర్పంచ్ నల్ల నీరజ సతీష్ రెడ్డి, ఉపసర్పంచ్, వార్డు సభ్యులు ఘటన స్థలానికి చేరుకున్నారు. సమస్య తీవ్రతను గమనించిన సర్పంచ్ సంబంధిత సిబ్బందితో మాట్లాడి యుద్ధప్రాతిపదికన మరమ్మత్తు పనులు చేపట్టించారు. లీకేజీని అరికట్టి నీటి సరఫరాను పునరుద్ధరించారు. ప్రజా సమస్యల పట్ల వేగంగా స్పందించినందుకు స్థానిక ప్రజలు, విద్యార్థుల తల్లిదండ్రులు సర్పంచ్, వార్డు సభ్యులకు కృతజ్ఞతలు తెలిపారు. ముఖ్యాంశాలు: మిషన్ భగీరథ పైపులైన్ లీకేజీకి తక్షణమే మరమ్మత్తులు ప్రజా సమస్యపై వెంటనే స్పందించిన సర్పంచ్ నల్ల నీరజ సతీష్ రెడ్డి గొల్లపల్లిలో మిషన్ భగీరథ పైపులైన్ మరమ్మత్తు పనులు పూర్తి Follow us on Website Facebook Instagram YouTube