వైఎస్సార్‌సీపీ నాయకుడు జగన్‌మోహన్‌రెడ్డి వ్యవహారశైలిని ప్రజలు అర్థం చేసుకోవాలి రాష్ట్ర అభివృద్ధి కోసం కూటమి అభ్యర్థులను గెలిపించాలి మంత్రి పార్థసారధి
చాట్రాయి, అక్టోబరు 31: ఏలూరు జిల్లా, నూజివీడు నియోజకవర్గం, చాట్రాయి మండలం బూరుగుగూడెం, ఆరుగొలనుపేట గ్రామాల్లో ఎంపీటీసీ, జడ్పీటీసీ ఎన్నికల ప్రచారం జోరుగా సాగింది. ఈ సందర్భంగా కూటమి నాయకులు, కార్యకర్తలు భారీ ర్యాలీ నిర్వహించారు. రాష్ట్ర మంత్రి కొలుసు పార్థసారథి ముఖ్య అతిథిగా పాల్గొని ప్రజలను ఉద్దేశించి ప్రసంగించారు. గత ప్రభుత్వ పాలన, ప్రస్తుత కూటమి ప్రభుత్వం చేపడుతున్న అభివృద్ధి కార్యక్రమాలను వివరిస్తూ కూటమి అభ్యర్థులకు మద్దతుగా నిలవాలని ఓటర్లను కోరారు. కుటుంబ సభ్యుల పట్ల వ్యవహారశైలిని ప్రజలు గమనించాలి తల్లిని, చెల్లిని గౌరవించలేని నాయకుడు సామాన్య ప్రజలను ఎలా ఆదరిస్తారో ఓటర్లు ఆలోచించాలని మంత్రి కొలుసు పార్థసారథి వ్యాఖ్యానించారు. కుటుంబ సభ్యుల పట్ల వ్యవహరించే తీరును బట్టి నాయకుల వ్యక్తిత్వాన్ని ప్రజలు అంచనా వేయాలని అన్నారు. వైఎస్సార్‌సీపీ అధినేత జగన్‌మోహన్‌రెడ్డి వ్యవహారశైలిపై విమర్శలు గుప్పిస్తూ, ఇలాంటి నాయకులకు రాజకీయంగా తగిన బుద్ధి చెప్పాలని పిలుపునిచ్చారు. గత పాలనలో రాష్ట్రానికి నష్టం జరిగిందని విమర్శలు గత ప్రభుత్వ హయాంలో రాష్ట్రంలో విధ్వంసకర రాజకీయాలు, రౌడీయిజం పెరిగాయని మంత్రి ఆరోపించారు. యువతకు ఉద్యోగ, ఉపాధి అవకాశాలు కల్పించడంలో గత ప్రభుత్వం విఫలమైందని, గంజాయి సంస్కృతిని ప్రోత్సహించిందని విమర్శించారు. మద్యం, ఇసుక వ్యవహారాల్లో అక్రమాలు, మాఫియా కార్యకలాపాలు రాష్ట్రాన్ని దెబ్బతీశాయని ఆరోపించారు. గతంలో రాష్ట్రంలో జరిగిన పరిణామాలను, ప్రస్తుతం జరుగుతున్న అభివృద్ధిని ప్రజలు బేరీజు వేసుకోవాలని సూచించారు. పెట్టుబడులతో ఉద్యోగ, ఉపాధి అవకాశాలు ముఖ్యమంత్రి నారా చంద్రబాబు నాయుడు అనుభవం, పారిశ్రామిక రంగంలో ఆయనకున్న పరిచయాల కారణంగా రాష్ట్రానికి భారీ పెట్టుబడులు వస్తున్నాయని మంత్రి తెలిపారు. రాష్ట్రంలో సుమారు రూ.20 లక్షల కోట్ల పెట్టుబడులతో ఎనిమిది లక్షల మందికి ఉద్యోగ, ఉపాధి అవకాశాలు కల్పించే దిశగా చర్యలు చేపట్టినట్లు వివరించారు. రాష్ట్ర భవిష్యత్తు, యువతకు ఉపాధి, పారిశ్రామిక అభివృద్ధిని దృష్టిలో పెట్టుకుని ఓటర్లు నిర్ణయం తీసుకోవాలని కోరారు. గత ప్రభుత్వ పాలనకు, ప్రస్తుత ప్రభుత్వ పనితీరుకు మధ్య ఉన్న తేడాలను కూటమి నాయకులు, కార్యకర్తలు ఇంటింటి ప్రచారంలో ప్రజలకు వివరించాలని సూచించారు. రైతులకు సాగునీరు అందించడమే లక్ష్యం రాష్ట్రంలో సాగునీటి సమస్యలను పరిష్కరించేందుకు ప్రభుత్వం కృషి చేస్తోందని మంత్రి పేర్కొన్నారు. పోలవరం ప్రాజెక్టును వచ్చే ఏడాదికల్లా పూర్తి చేయాలనే లక్ష్యంతో ముందుకు సాగుతున్నట్లు తెలిపారు. చింతలపూడి ప్రాజెక్టు ద్వారా నూజివీడు నియోజకవర్గంలో సాగునీటి కొరతను తగ్గించేందుకు చర్యలు తీసుకుంటామని చెప్పారు. విస్సన్నపేట లిఫ్ట్‌ ఇరిగేషన్‌ పథకానికి అనుమతులు వచ్చినట్లు వెల్లడిస్తూ, ఈ పథకం ద్వారా నియోజకవర్గంలోని రైతులకు సాగునీటి సౌకర్యం మెరుగుపడుతుందని ఆశాభావం వ్యక్తం చేశారు. ప్రతి ఎకరాకు సాగునీరు అందించి రైతుల జీవితాల్లో సంతోషం నింపడమే ప్రభుత్వ లక్ష్యమని అన్నారు. గ్రామీణాభివృద్ధికి నిధులు ఉప ముఖ్యమంత్రి పవన్‌ కల్యాణ్‌ నేతృత్వంలోని గ్రామీణాభివృద్ధి కార్యక్రమాల ద్వారా రాష్ట్రంలోని గ్రామాల్లో మౌలిక సదుపాయాల కల్పనకు ప్రాధాన్యం ఇస్తున్నట్లు మంత్రి తెలిపారు. గ్రామీణ రహదారులు, ఇతర అభివృద్ధి పనుల కోసం సుమారు రూ.11 వేల కోట్ల నిధులు మంజూరైనట్లు పేర్కొన్నారు. చాట్రాయి మండలంలో ఇప్పటికే పలు సీసీ రోడ్లు, డ్రైనేజీ నిర్మాణ పనులు చేపట్టినట్లు వివరించారు. గ్రామాల్లో మరిన్ని అభివృద్ధి కార్యక్రమాలు చేపట్టేందుకు కూటమి ప్రభుత్వం కట్టుబడి ఉందన్నారు. పేదలకు అండగా ముఖ్యమంత్రి సహాయనిధి రాష్ట్రంలో అర్హులైన పేదలకు నెలకు రూ.4,000 సామాజిక పింఛను అందిస్తున్నామని మంత్రి తెలిపారు. ఆర్థిక ఇబ్బందుల్లో ఉన్న కుటుంబాలకు ఈ పింఛన్లు ఎంతో ఉపయోగపడుతున్నాయని పేర్కొన్నారు. నూజివీడు నియోజకవర్గంలో ముఖ్యమంత్రి సహాయనిధి ద్వారా ఇప్పటివరకు సుమారు రూ.18 కోట్లను బాధితులకు అందించినట్లు వెల్లడించారు. ప్రజల సంక్షేమం, గ్రామాల అభివృద్ధి, రైతులకు సాగునీరు, యువతకు ఉపాధి అవకాశాల కల్పనకు ప్రభుత్వం ప్రాధాన్యం ఇస్తోందని వివరించారు. 15 ఎంపీటీసీ స్థానాల్లో కూటమి విజయమే లక్ష్యం గత ఎన్నికల్లో ఎంపీటీసీ స్థానాల్లో ఒక్క సీటు కూడా సాధించలేకపోయామని గుర్తుచేసిన మంత్రి, ఈసారి చాట్రాయి మండలంలో మొత్తం 15 ఎంపీటీసీ స్థానాలను తెలుగుదేశం పార్టీ గెలుచుకునేలా నాయకులు, కార్యకర్తలు సమష్టిగా కృషి చేయాలని పిలుపునిచ్చారు. ప్రతి గ్రామంలో ప్రజలను కలుసుకుని ప్రభుత్వ అభివృద్ధి, సంక్షేమ కార్యక్రమాలను వివరించాలని సూచించారు. అభివృద్ధిని కోరుకునే ప్రజలు కూటమి అభ్యర్థులకు ఓటు వేసి గెలిపించాలని కోరారు.ఈ కార్యక్రమంలో తెలుగుదేశం పార్టీ మండల అధ్యక్షుడు ఇజ్జిగాని వెంకటేశ్వరరావు, మోరంపూడి శ్రీనివాసరావు, మందపాటి బసవా రెడ్డి, బొట్టు లక్ష్మణ రావు, మరిడి వెంకటేశ్వరరావు, పుచ్చకాయల నోబుల్ రెడ్డి, కట్టా నాగ దుర్గా రావు, తుమ్మల జగన్, కాలసాని సూర్యనారాయణ,వెల్లంకి శ్రీమన్నారాయణ,సవరం రామారావు, ఇజ్జిగాని మురళి,యర్రా ప్రసాద్ రావు, బొట్టు రామచంద్రరావు మందలపు జగదీష్ చీదిరాల మారేశ్వర రావు, కలకొండ భాస్కర రావు,పలగాని దుర్గా రావు, బుర్రి శ్రీకర్, చాగంటి వాసుదేవరావు నెక్కలపు వెంకటేశ్వరరావు ఆదిమూలం నాగమోహన శర్మ, మాదాసు చిన్న పుల్లయ్య, పులగం పుల్లారెడ్డి,తల్లాడ శ్రీనివాసరావు, బొర్రా నాగేశ్వరరావు బూబత్తుల చెన్నారావు,బయగాని మల్లిఖార్జున రావు, మిద్దె సత్యనారాయణ,రాయవరపు సీతారాములు,వంగాల మాధవరెడ్డి, రాజబోయిన దశరధ రామ రాజు, గ్రంధాల జయప్రకాష్, పానుగంటి కేశవరావు, యర్రోజు రాం ప్రసాద్ , సుబ్రహ్మణ్యం, కొత్తపల్లి రామ దాసు, జెడ్పీటీసీ ఎంపీటీసీ అభ్యర్ధులు తదితర కూటమి నాయకులు, కార్యకర్తలు, స్థానిక ప్రజలు పాల్గొన్నారు.
