విదేశీ పర్యటన ముగించుకుని హైదరాబాద్‌కు చేరుకున్న ముఖ్యమంత్రి

విదేశీ పర్యటన ముగించుకుని హైదరాబాద్‌కు చేరుకున్న ముఖ్యమంత్రి రేవంత్ రెడ్డికి ఘన స్వాగతం

విదేశీ పర్యటనను విజయవంతంగా ముగించుకుని తిరిగి వచ్చిన తెలంగాణ ముఖ్యమంత్రి ఎ. రేవంత్ రెడ్డికి సహచర మంత్రులు, ఎంపీలు, ఎమ్మెల్సీలు, ఎమ్మెల్యేలు అభినందనలు తెలిపారు.

ఈ సందర్భంగా ఇల్లందు నియోజకవర్గ శాసన సభ్యులు కోరం కనకయ్య ముఖ్యమంత్రి రేవంత్ రెడ్డిని కలిసి శుభాకాంక్షలు తెలియజేశారు. రాష్ట్ర అభివృద్ధి, పెట్టుబడుల ఆకర్షణ లక్ష్యంగా చేపట్టిన విదేశీ పర్యటన విజయవంతం కావడం పట్ల హర్షం వ్యక్తం చేశారు.

ముఖ్యమంత్రి పర్యటన ద్వారా తెలంగాణకు కొత్త పెట్టుబడులు, పారిశ్రామిక అవకాశాలు లభిస్తాయని ఆశాభావం వ్యక్తం చేశారు. రాష్ట్ర ప్రగతికి ప్రభుత్వం చేస్తున్న కృషిని ప్రజాప్రతినిధులు అభినందించారు.