జగిత్యాల వైద్య రంగానికి మహర్దశ

తెలంగాణ

19 Jan, 2026 - 08:59 AM

295 వీక్షణలు

జగిత్యాల వైద్య రంగానికి మహర్దశ: 450 పడకల ఆసుపత్రికి భూమిపూజ NTODAY NEWS: జగిత్యాల జిల్లా, గొల్లపల్లి మండలం ప్రతినిధి లక్ష్మణ్ జగిత్యాల జిల్లా కేంద్రంలో వైద్య సేవలు మరో మెట్టు ఎక్కనున్నాయి. మాతా శిశు ఆరోగ్య కేంద్రం, మెడికల్ కాలేజీ సమీపంలో రూ.235 కోట్లతో నిర్మించనున్న 450 పడకల నూతన ప్రభుత్వ ఆసుపత్రికి మంగళవారం (తేదీ 20) భూమిపూజ జరగనుంది. ఈ కార్యక్రమంలో రాష్ట్ర సంక్షేమ శాఖ మంత్రి అడ్లూరి లక్ష్మణ్ కుమార్ పాల్గొననున్నారు.

ఈ సందర్భంగా నిర్వహించనున్న బహిరంగ సభకు సంబంధించిన ఏర్పాట్లను జగిత్యాల ఎమ్మెల్యే డాక్టర్ సంజయ్ కుమార్ సోమవారం క్షేత్రస్థాయిలో పరిశీలించారు. అత్యాధునిక వైద్య సదుపాయాలు నూతన ఆసుపత్రితో పాటు ప్రజలకు అత్యవసర వైద్యం అందించేందుకు పలు విభాగాలను ప్రారంభించనున్నారు. క్రిటికల్ కేర్ యూనిట్ (CCU): రూ.23.5 కోట్లతో నిర్మించిన ఈ యూనిట్ ద్వారా రోడ్డు ప్రమాద బాధితులు, అత్యవసర కేసులకు తక్షణ చికిత్స అందనుంది. ఇందులో డయాలసిస్, ప్రసూతి శస్త్ర చికిత్సల కోసం మూడు అత్యాధునిక ఆపరేషన్ థియేటర్లు అందుబాటులో ఉంటాయి.

సెంట్రల్ మెడిసిన్ స్టోర్: రూ.3 కోట్లతో నిర్మించిన ఈ కేంద్రం ద్వారా మందుల పంపిణీ మరింత సులభతరం కానుంది. 20 మండలాలు, 5 మున్సిపాలిటీలకు లబ్ధి ఈ సందర్భంగా ఎమ్మెల్యే డాక్టర్ సంజయ్ కుమార్ మాట్లాడుతూ, ముఖ్యమంత్రి రేవంత్ రెడ్డి, వైద్యారోగ్య శాఖ మంత్రి దామోదర రాజనర్సింహ, జిల్లా మంత్రి అడ్లూరి లక్ష్మణ్ కుమార్ సహకారంతో జగిత్యాలలో విద్యా, వైద్య రంగాలకు భారీ నిధులు మంజూరవుతున్నాయని తెలిపారు. ఈ ఆసుపత్రి ద్వారా జిల్లాలోని 20 మండలాలు, 5 మున్సిపాలిటీల ప్రజలకు మెరుగైన వైద్య సేవలు అందుతాయని చెప్పారు. చల్గల్ ప్రాంతంలో త్వరలో ఇంటిగ్రేటెడ్ స్కూల్ కాంప్లెక్స్, మినీ స్టేడియం, కేంద్రీయ విద్యాలయం ఏర్పాటు కానున్నాయని తెలిపారు. రాజకీయ విమర్శలపై స్పందిస్తూ, సీనియర్ నాయకులు తమ స్థాయికి తగిన విధంగా మాట్లాడాలని సూచించారు. పాల్గొన్న వారు ఈ కార్యక్రమంలో మెడికల్ కాలేజీ ప్రిన్సిపాల్ సునీల్, సూపరింటెండెంట్ కృష్ణమూర్తి, ఈఈ విశ్వప్రసాద్, డీఈ రాజారెడ్డి, ఆర్‌ఎమ్‌ఓలు శ్రీపత్, నరేష్, గీతిక, స్వరూప, నాయకులు సందీప్ రావు, నోముల శేఖర్ రెడ్డి, మతులపురం శేఖర్, నాగుల శ్రీనివాస్, వైద్య సిబ్బంది పాల్గొన్నారు. #Jagtial #HealthcareDevelopment #NewGovernmentHospital #MedicalInfrastructure #CriticalCareUnit #PublicHealth #TelanganaDevelopment #HospitalConstruction #HealthcareForAll #DistrictNews Follow us on Website Facebook Instagram YouTube