ఆర్య వైశ్య విద్యా కమిటీ రాష్ట్ర చైర్‌పర్సన్‌గా పందిరి గీత ప్రమాణ స్వీకారం

తెలంగాణ రాష్ట్ర ఆర్య వైశ్య సామాజిక విద్యా కమిటీ రాష్ట్ర చైర్‌పర్సన్‌గా చిట్యాలకు చెందిన పందిరి గీత రమేష్ శుక్రవారం హైదరాబాద్‌లో ఘనంగా ప్రమాణ స్వీకారం చేశారు. ​ఈ సందర్భంగా ఆమె మాట్లాడుతూ తనకు ఈ బాధ్యతలను అప్పగించినందుకు రాయపూరి భవానీ ఉమా శేఖర్, అమరావాది లక్ష్మీ నారాయణలకు ప్రత్యేక కృతజ్ఞతలు తెలియజేశారు. ​ప్రస్తుతం చిట్యాల మున్సిపల్ చైర్‌పర్సన్‌గా సేవలు అందిస్తున్న పందిరి గీత, ఇప్పుడు అదనంగా రాష్ట్ర స్థాయి సామాజిక విద్యా కమిటీ చైర్‌పర్సన్‌గా పదవీ బాధ్యతలు చేపట్టడం పట్ల హర్షం వ్యక్తమవుతోంది. ఈ సందర్భంగా పలువురు ప్రముఖులు, సామాజిక వర్గ నేతలు ఆమెకు శుభాకాంక్షలు తెలుపుతూ, అభినందనలు కురిపించారు.