అక్రమ సారాయి కట్టడి… నల్లబెల్లం భారీగా పట్టివేత
అక్రమ సారాయి కట్టడి… నల్లబెల్లం భారీగా పట్టివేత
మహబూబాబాద్ జిల్లా: అక్రమ సారాయి తయారీపై పోలీసులు కట్టుదిట్టమైన చర్యలు చేపట్టారు. జిల్లాలో నిర్వహించిన ప్రత్యేక ఆపరేషన్లో భారీ స్థాయిలో నల్లబెల్లం స్వాధీనం చేసుకున్నారు.
టాస్క్ ఫోర్స్ మరియు కురవి పోలీసులు సంయుక్తంగా చేపట్టిన ఈ దాడిలో, అక్రమ సారాయి తయారీకి వినియోగించే నల్లబెల్లాన్ని లారీ ద్వారా తరలిస్తున్నట్లు సమాచారం అందింది. దీంతో అప్రమత్తమైన పోలీసులు కురవి శివారు సోమ్లా తండా వద్ద లారీని అడ్డగించి తనిఖీ చేపట్టారు.
తనిఖీలో సుమారు రూ.8 లక్షల విలువైన 70 క్వింటాళ్ల నల్లబెల్లం, 10 క్వింటాళ్ల పట్టికను గుర్తించారు. వెంటనే వాటిని స్వాధీనం చేసుకుని, లారీని సీజ్ చేశారు.
ఈ ఘటనలో గుగులోత్ సుమన్ (మహబూబాబాద్), ఆరెపల్లి మధు, బొల్లా విజయ్ కుమార్ను పోలీసులు అరెస్ట్ చేశారు.
ఆపరేషన్లో టాస్క్ ఫోర్స్ సీఐ హతీరామ్, ఎస్ఐ తాహేర్ బాబా, కురవి ఎస్ఐ గండ్రాతి సతీష్, ఎస్ఐ జయకుమార్తో పాటు పోలీస్ సిబ్బంది సమ్మయ్య, హరిబాబు, నరేష్, బద్రు, బాబు పాల్గొన్నారు.
