చిట్యాల-భువనగిరి రోడ్డుపై ప్రమాదం - ఒకరు మృతి, నలుగురికి తీవ్ర గాయాలు

చిట్యాల - భువనగిరి ప్రధాన రహదారిపై శనివారం ఘోర రోడ్డు ప్రమాదం సంభవించింది. బాల నరసింహ స్వామి ఆలయం ఆర్చి సమీపంలో జరిగిన ఈ ప్రమాదంలో ఒకరు అక్కడికక్కడే ప్రాణాలు కోల్పోగా, మరో నలుగురు తీవ్రంగా గాయపడ్డారు

​స్థానికులు వివరాల  ప్రకారం  మినీ బులోరా వాహనం రైల్వే అండర్‌పాస్ గుండా అతివేగంగా భువనగిరి రోడ్డుపైకి దూసుకొచ్చింది. అదే సమయంలో చిట్యాల వైపు వస్తున్న కారును ఈ వాహనం బలంగా ఢీకొట్టింది. డీకొట్టిన వేగానికి కారు పూర్తిగా నుజ్జునుజ్జయింది.  ఏస్ బొలెర డ్రైవర్ యొక్క తీవ్ర నిర్లక్ష్యం, అతివేగమే ఈ ప్రమాదానికి ప్రధాన కారణమని స్థానికులు చెబుతున్నారు. ప్రమాదంపై సమాచారం అందుకున్న వెంటనే పోలీసులు ఘటనా స్థలానికి చేరుకుని స్థానికుల సహాయంతో సహాయక చర్యలు చేపట్టారు. ​గాయపడిన నలుగురిని చికిత్స నిమిత్తం తక్షణమే సమీప ఆసుపత్రికి తరలించారు. వారిలో కొందరి పరిస్థితి విషమంగా ఉన్నట్లు తెలుస్తోంది. ఘటనపై కేసు నమోదు చేసుకుని దర్యాప్తు చేస్తున్నారని సమాచారం. ప్రమాదానికి గురైన బాధితుల వివరాలు తెలియాల్సి ఉంది