ముఖ్యమంత్రి సహాయనిధి పేద కుటుంబాలకు భరోసా

రూ.60 వేల సీఎంఆర్ఎఫ్ చెక్కు పంపిణీ చేసిన సర్పంచ్ ఉప్పల విజయలక్ష్మి

సంస్థాన్ నారాయణపురం: ఆర్థిక ఇబ్బందులతో వైద్య చికిత్సలు పొందుతున్న పేద, మధ్యతరగతి కుటుంబాలకు ముఖ్యమంత్రి సహాయనిధి (సీఎంఆర్ఎఫ్) ఎంతో భరోసానిస్తోందని సంస్థాన్ నారాయణపురం సర్పంచ్ ఉప్పల విజయలక్ష్మి లింగస్వామి అన్నారు. అర్హులైన వారికి ప్రభుత్వ సహాయం అందించడం ద్వారా వైద్య ఖర్చుల భారాన్ని కొంతవరకు తగ్గించుకునే అవకాశం కలుగుతోందని పేర్కొన్నారు.

మండల కేంద్రానికి చెందిన గవ్వల నరసింహకు మునుగోడు ఎమ్మెల్యే కోమటిరెడ్డి రాజగోపాల్ రెడ్డి సహకారంతో ముఖ్యమంత్రి సహాయనిధి నుంచి రూ.60 వేల ఆర్థిక సాయం మంజూరైంది. ఈ మేరకు మంజూరైన చెక్కును సర్పంచ్ ఉప్పల విజయలక్ష్మి లింగస్వామి లబ్ధిదారుడికి అందజేశారు.

ఈ సందర్భంగా ఆమె మాట్లాడుతూ.. అనారోగ్య సమస్యలతో బాధపడుతూ వైద్య చికిత్సల కోసం ఆర్థిక ఇబ్బందులు ఎదుర్కొంటున్న పేద కుటుంబాలకు ముఖ్యమంత్రి సహాయనిధి ఎంతో ఉపయోగకరంగా ఉంటుందని తెలిపారు. వైద్య ఖర్చులను భరించలేని పరిస్థితుల్లో ఉన్న అర్హులైన వారికి ఈ పథకం ఆర్థికంగా అండగా నిలుస్తోందని అన్నారు. ప్రభుత్వ సంక్షేమ పథకాలు, సహాయ కార్యక్రమాలు అర్హులైన ప్రతి ఒక్కరికీ చేరేలా కృషి చేస్తామని వెల్లడించారు.

ఈ కార్యక్రమంలో ఉప సర్పంచ్ పల్లె మల్లారెడ్డి, మాజీ సర్పంచ్ కొండ్రెడ్డి నరసింహ, వార్డు సభ్యులు పందుల యాదగిరి గౌడ్, బల్గూరి శివ, సభావత్ రఘు, నీళ్ల అనిత, శంకర్, చింతల శైలజ, సత్యనారాయణ, సింగపంగా ప్రశాంతి, రమేష్, యువజన కాంగ్రెస్ మండల ప్రధాన కార్యదర్శి ఉప్పల నాగరాజు, సాగర్ల యాదయ్య తదితరులు పాల్గొన్నారు.