10వ వార్డులో కాంగ్రెస్ ప్రచారం జోరు

తెలంగాణ

07 Feb, 2026 - 08:01 AM

190 వీక్షణలు

ధర్మపురి మున్సిపల్ ఎన్నికలు: 10వ వార్డులో కాంగ్రెస్ ప్రచారం జోరు NTODAY NEWS: గొల్లపల్లి ప్రతినిధి లక్ష్మణ్ ధర్మపురి మున్సిపాలిటీ ఎన్నికల ప్రచారంలో భాగంగా కాంగ్రెస్ పార్టీ శ్రేణులు 10వ వార్డులో ముమ్మరంగా ప్రచారం నిర్వహించాయి. స్థానిక ఎమ్మెల్యే, రాష్ట్ర సంక్షేమ శాఖ మంత్రి అడ్లూరి లక్ష్మణ్ కుమార్ ఆదేశాల మేరకు శనివారం ఈ ప్రచార కార్యక్రమం చేపట్టారు. గొల్లపల్లి మండల కాంగ్రెస్ పార్టీ అధ్యక్షుడు నిశాంత్ రెడ్డి నేతృత్వంలో నాయకులు, కార్యకర్తలు ఇంటింటి ప్రచారం నిర్వహించారు. ఈ సందర్భంగా 10వ వార్డు కాంగ్రెస్ అభ్యర్థి సంగి నందనను భారీ మెజారిటీతో గెలిపించాలని ఓటర్లను కోరారు. ప్రభుత్వం అమలు చేస్తున్న సంక్షేమ పథకాలను ప్రజలకు వివరిస్తూ, వార్డు అభివృద్ధికి కాంగ్రెస్ పార్టీ పూర్తిగా కట్టుబడి ఉందని నేతలు పేర్కొన్నారు. పట్టణ అభివృద్ధి, మౌలిక సదుపాయాల కల్పన కాంగ్రెస్‌తోనే సాధ్యమని వారు అభిప్రాయపడ్డారు. ఈ కార్యక్రమంలో కాంగ్రెస్ పార్టీ ముఖ్య నాయకులు, కార్యకర్తలు మరియు స్థానిక ప్రజలు పెద్ద సంఖ్యలో పాల్గొన్నారు. #Dharmapuri #MunicipalElections #CongressCampaign #Ward10 #LocalElections #PoliticalNews #TelanganaPolitics Follow us on Website Facebook Instagram YouTube