కేసీఆర్ స్వగ్రామం చింతమడకలో శ్రీరామ నవమి వేడుకలు

కేసీఆర్ స్వగ్రామం చింతమడకలో శ్రీరామ నవమి వేడుకలు: బీఆర్ఎస్ అధినేతను ఆహ్వానించిన ఆలయ కమిటీ

ఎర్రవెల్లి: సిద్ధిపేట జిల్లా, రూరల్ మండలంలోని బీఆర్ఎస్ అధినేత, తెలంగాణ తొలి ముఖ్యమంత్రి కల్వకుంట్ల చంద్రశేఖర్ రావు  స్వగ్రామమైన చింతమడకలో శ్రీ పట్టాభి సీతారామచంద్ర స్వామి నూతన ధ్వజ స్తంభ ప్రతిష్ట మరియు శ్రీరామ నవమి వేడుకలు ఘనంగా జరగనున్నాయి.

​ఈ నెల 25, 27 తేదీల్లో నిర్వహించనున్న ఈ ఉత్సవాలకు హాజరుకావాల్సిందిగా కోరుతూ ఆలయ కమిటీ ప్రతినిధులు శుక్రవారం కేసీఆర్ గారిని కలిశారు. బీఆర్ఎస్ రాష్ట్ర నాయకులు కల్వకుంట్ల వంశీధర్ రావు ఆధ్వర్యంలో ఆలయ కమిటీ ప్రతినిధులు ఎర్రవెల్లి నివాసంలో కేసీఆర్ ని కలిసి ఆహ్వాన పత్రికను అందజేశారు.

​కేసీఆర్ ని కలిసిన వారిలో ఆలయ కమిటీ ప్రతినిధులు ఆకుల రామ గౌడ్, పెండల గణేష్, బైరి నర్సింహా రెడ్డి, వాతం శివ, పడకండి విశ్వనాధం, ఎల్లప్పగారి పోచయ్య తదితరులు ఉన్నారు. ఈ సందర్భంగా గ్రామ విశేషాలను, ఉత్సవ ఏర్పాట్లను కమిటీ సభ్యులు కేసీఆర్ కి వివరించారు.