మధిరలో భగవాన్ శ్రీ సత్యసాయి సేవా సమితి ఆధ్వర్యంలో అన్నప్రసాద వితరణ

మధిర: ఖమ్మం జిల్లా మధిర నియోజకవర్గ కేంద్రంలో భగవాన్ శ్రీ సత్యసాయి సేవా సమితి ఆధ్వర్యంలో ప్రతి ఆదివారం దాతల సహకారంతో అన్నప్రసాద కార్యక్రమం నిర్వహిస్తున్నారు. ఇందులో అనాథలు, వృద్ధులు, పేదలు, భక్తులు పాల్గొని అన్నప్రసాదాన్ని స్వీకరించారు.

ఈ ఆదివారం దొడ్డా మురళీకృష్ణ ధర్మపత్ని రాజేశ్వరి, బాడిగ రామకృష్ణ ధర్మపత్ని హైమా (తెనాలి) సహకారంతో అన్నదాన కార్యక్రమం ఏర్పాటు చేసినట్లు నిర్వాహకులు తెలిపారు.

ఈ కార్యక్రమంలో చీకటి నాగేశ్వరరావు, కోన మోహన్‌రావు, కపిలవాయి జగన్మోహన్‌రావు, దొడ్డా మురళీకృష్ణ తదితరులు పాల్గొన్నారు.