నల్లమల అడవిలో భారీ అగ్ని ప్రమాదం

నల్లమల అడవిలో భారీ అగ్ని ప్రమాదం – అటవీ సంపదకు తీవ్ర నష్టం 

నాగర్ కర్నూల్ జిల్లాలోని నల్లమల అడవి పరిధిలో భారీ అగ్ని ప్రమాదం చోటుచేసుకుంది. ఫరహాబాద్ మెయిన్ రోడ్డు సమీపంలో ప్రారంభమైన మంటలు కిలోమీటర్ మేరకు వ్యాపించి అడవిని చుట్టుముట్టాయి.

మంటల తీవ్రతతో అడవంతా దట్టమైన పొగలు కమ్ముకుని, పరిసర ప్రాంతాలు భయానకంగా మారాయి. అటవీ ప్రాంతంలో ఉన్న మొక్కలు, వృక్షాలు, వన్యప్రాణులకు తీవ్ర ప్రమాదం ఏర్పడింది.

ఈ ఘటనపై అప్రమత్తమైన అటవీ శాఖ అధికారులు తక్షణమే రంగంలోకి దిగి మంటలను అదుపు చేయడానికి తీవ్రంగా ప్రయత్నిస్తున్నారు. అగ్ని మరింత వ్యాపించకుండా నియంత్రణ చర్యలు చేపడుతున్నారు.

ఈ అగ్ని ప్రమాదం వల్ల విలువైన అటవీ సంపదకు తీవ్ర నష్టం వాటిల్లినట్లు అధికారులు అంచనా వేస్తున్నారు. మంటలు ఎలా చెలరేగాయనే దానిపై దర్యాప్తు కొనసాగుతోంది.