ఆంధ్రప్రదేశ్‌లో ఓటరు జాబితా ప్రత్యేక సవరణ షెడ్యూల్ సవరణ

న్యూఢిల్లీ: ఆంధ్రప్రదేశ్‌లో 01.07.2026 అర్హత తేదీ ఆధారంగా చేపడుతున్న ప్రత్యేక సమగ్ర ఓటరు జాబితా సవరణ (SIR) కార్యక్రమానికి సంబంధించి భారత ఎన్నికల సంఘం సవరించిన షెడ్యూల్‌ను విడుదల చేసింది. రాష్ట్ర ప్రధాన ఎన్నికల అధికారికి పంపిన ఉత్తర్వుల్లో ఈ మేరకు పేర్కొంది.

సవరించిన షెడ్యూల్:

బీఎల్‌వోల ఇంటింటి సర్వే: 15 జూన్ 2026 నుంచి 24 జూలై 2026 వరకు

పోలింగ్ కేంద్రాల హేతుబద్ధీకరణ/పునర్వ్యవస్థీకరణ: 24 జూలై 2026లోగా

ముసాయిదా ఓటరు జాబితా ప్రచురణ: 31 జూలై 2026

దరఖాస్తులు, అభ్యంతరాల స్వీకరణ: 31 జూలై నుంచి 30 ఆగస్టు 2026 వరకు

దరఖాస్తులు, అభ్యంతరాల పరిశీలన మరియు పరిష్కారం: 31 జూలై నుంచి 28 సెప్టెంబర్ 2026 వరకు

తుది ఓటరు జాబితా ప్రచురణ: 3 అక్టోబర్ 2026

ఈ సవరించిన షెడ్యూల్‌ను అన్ని సంబంధిత అధికారులు, సిబ్బందికి వెంటనే తెలియజేయాలని, అందుబాటులో ఉన్న అన్ని మాధ్యమాల ద్వారా విస్తృత ప్రచారం నిర్వహించాలని ఎన్నికల సంఘం ఆదేశించింది. అలాగే గుర్తింపు పొందిన రాజకీయ పార్టీలకు కూడా లిఖితపూర్వకంగా సమాచారం అందించాలని సూచించింది.