పెద్ద కాపర్తిలో ఘనంగా డాక్టర్ బి.ఆర్. అంబేద్కర్ జయంతి వేడుకలు
పెద్ద కాపర్తిలో ఘనంగా డాక్టర్ బి.ఆర్. అంబేద్కర్ జయంతి వేడుకలు NTODAY NEWS చిట్యాల
చిట్యాల మండలం పెద్ద కాపర్తి గ్రామ పంచాయతీ కార్యాలయంలో భారత రాజ్యాంగ నిర్మాత, భారతరత్న డాక్టర్ బి.ఆర్. అంబేద్కర్ 135వ జయంతి వేడుకలను అత్యంత వైభవంగా నిర్వహించారు. ఈ సందర్భంగా గ్రామ సర్పంచ్ కాటం వెంకటేశం అంబేద్కర్ చిత్రపటానికి పూలమాలలు వేసి ఘనంగా నివాళులర్పించారు.ఈ సందర్భంగా సర్పంచ్ మాట్లాడుతూ, దేశానికి అంబేద్కర్ అందించిన సేవలు వెలకట్టలేనివని, ఆయన ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు. సమానత్వం, సౌభ్రాతృత్వం కోసం ఆయన పడిన తపన నేటి తరానికి ఆదర్శమని కొనియాడారు. ఈ కార్యక్రమంలో పంచాయతీ సెక్రెటరీ గౌతంరెడ్డి ఉప సర్పంచ్ ఓర్సు సైదులు వార్డు సభ్యులు యాదయ్య, ఏర్పుల మల్లేశ్వరి, చేకూరి గణేష్, ఆనగంటి నరేష్ గ్రామ శాఖ అధ్యక్షులు నీలకంఠం లింగస్వామి, ఏర్పుల నరసింహ, బుంగపట్ల తిమ్మయ్య, గంట్ల పుల్లారెడ్డి, రాపోలు శంకర్, నీలకంఠ నరేష్, గుండెబోయిన నరసింహ, మోర రాములు తదితరులు పాల్గొన్నారు.
