పెండింగ్ చలాన్లు ఉంటే లైసెన్స్, ఆర్సీ కట్!
పెండింగ్ చలాన్లు ఉంటే లైసెన్స్, ఆర్సీ కట్!
ట్రాఫిక్ నిబంధనలు ఉల్లంఘించి, జరిమానాలు చెల్లించకుండా తప్పించుకు తిరుగుతున్న వాహనదారుల పట్ల తెలంగాణ రవాణా శాఖ సీరియస్ అయ్యింది. చలాన్లు చెల్లించని పక్షంలో సదరు వాహనదారుడి డ్రైవింగ్ లైసెన్స్ను మరియు వాహన రిజిస్ట్రేషన్ కార్డు (RC)ను ఫ్రీజ్ చేసే నూతన విధానాన్ని అమలులోకి తీసుకురానుంది. ఇందులో ముఖ్యంగా ఆర్సీ లేదా లైసెన్స్ ఫ్రీజ్ అయితే, ఆ వాహనాన్ని విక్రయించడం, యజమాని పేరు మార్చడం లేదా ఇతర రవాణా శాఖ సేవలు పొందడం సాధ్యం కాదు. జరిమానాలపై ఏవైనా అభ్యంతరాలు లేదా పొరపాట్లు ఉంటే, వాటిని ఫిర్యాదు చేయడానికి ప్రత్యేకంగా ఈ అథారిటీని ప్రభుత్వం ఏర్పాటు చేస్తోంది. దీని ద్వారా పారదర్శకంగా సమస్యలను పరిష్కరించుకోవచ్చు.
త్వరలో నోటిఫికేషన్: ఈ కొత్త విధానానికి సంబంధించిన ప్రాథమిక నోటిఫికేషన్ మరో కొద్ది రోజుల్లోనే విడుదల కానుంది. ఇందులో ముఖ్యంగా గమనించాల్సిన విషయం ఏమిటంటే భారీగా చలాన్లు పేరుకుపోయిన వాహనదారులు వెంటనే వాటిని చెల్లించి, భవిష్యత్తులో ఎదురయ్యే చట్టపరమైన ఇబ్బందుల నుండి తప్పుకోవడం ఉత్తమం.
