పిడుగుపాటుతో మృతి చెందిన యువకుడి కుటుంబాన్ని పరామర్శించిన ముద్దరబోయిన వెంకటేశ్వరరావు

ఏలూరు జిల్లా నూజివీడు నియోజకవర్గం ముసునూరు మండలం చింతలవల్లి శివారు కొత్తూరు గ్రామంలో మంగళవారం కురిసిన అకాల వర్షానికి పిడుగుపాటుకు గురై గంగుల ఏలిబాబు (21) మృతి చెందిన విషయం తెలిసిందే. ఈ విషాద ఘటనపై తెలుగుదేశం పార్టీ జాతీయ ఉపాధ్యక్షులు, మాజీ శాసనసభ్యులు ముద్దరబోయిన వెంకటేశ్వరరావు బుధవారం బాధిత కుటుంబాన్ని పరామర్శించారు.

ఏలిబాబు కుటుంబ సభ్యులను కలిసి వారి దుఃఖంలో భాగస్వామ్యమయ్యారు. ఈ సందర్భంగా కుటుంబ సభ్యులకు ప్రగాఢ సానుభూతి తెలియజేసి, ధైర్యంగా ఉండాలని ఓదార్పునిచ్చారు. అకాల మరణం కుటుంబానికి తీరని లోటని పేర్కొంటూ, పార్టీ తరఫున అవసరమైన సహాయ సహకారాలు అందించేందుకు కృషి చేస్తామని హామీ ఇచ్చారు.

గ్రామస్తులు, పార్టీ నాయకులు, కార్యకర్తలు ఈ పరామర్శ కార్యక్రమంలో పాల్గొని మృతుడికి నివాళులర్పించారు.