పోలవరం గ్రామంలో వీధి కుక్కల బెడదపై చర్యలు తీసుకోవాలి

పోలవరం గ్రామంలో వీధి కుక్కల బెడదపై చర్యలు తీసుకోవాలి : చాగంటి నరసింహారావు

ఏలూరు జిల్లా నూజివీడు నియోజకవర్గం చాట్రాయి మండలం పోలవరం గ్రామానికి చెందిన చాగంటి నరసింహారావు, టిడిపి సీనియర్ నాయకులు మరియు ఏపీ రాష్ట్ర కనీస వేతన సలహామండలి మాజీ సభ్యులు, పోలవరం గ్రామంలోని తమ బజారు ప్రాంతంలో ఉన్న మంచినీళ్ల ట్యాంకు వద్ద, రైసుమిల్లు ఎదురుబజారులో వీధి కుక్కలు ప్రజలను తీవ్రంగా ఇబ్బంది పెడుతున్నాయని తెలిపారు. తరచూ ప్రజలపై దాడులు చేసి కరవడంతో చిన్నపిల్లలు, మహిళలు, వృద్ధులు భయాందోళనలకు గురవుతున్నారని పేర్కొన్నారు.

కావున సంబంధిత పంచాయతీ స్పెషల్ ఆఫీసర్లు, అధికారులు వెంటనే స్పందించి వీధి కుక్కల సమస్యపై ప్రత్యేక దృష్టి సారించి, ప్రజలకు ఇబ్బందులు కలగకుండా తగిన చర్యలు తీసుకొని సమస్యను పరిష్కరించవలసిందిగా చాగంటి నరసింహారావు కోరారు.