రాచర్లలో జూదంపై పోలీసుల దాడి… ముగ్గురు అరెస్ట్, నగదు స్వాధీనం

మార్కాపురం జిల్లా రాచర్ల ఎస్‌ఐ కోటేశ్వర రావు ఆధ్వర్యంలో రాచర్ల ఫారం గ్రామ శివారులో అక్రమ జూదంపై పోలీసులు ప్రత్యేక దాడి నిర్వహించారు. విశ్వసనీయ సమాచారం ఆధారంగా చేపట్టిన ఈ దాడిలో జూదానికి పాల్పడుతున్న ముగ్గురు వ్యక్తులను పోలీసులు అదుపులోకి తీసుకున్నారు.

దాడి సమయంలో నిందితుల వద్ద నుంచి రూ.6,600 నగదు మరియు 3 మొబైల్ ఫోన్లు స్వాధీనం చేసుకున్నారు. అనంతరం వారిపై కేసు నమోదు చేసి చట్టపరమైన చర్యలు ప్రారంభించారు.

జూదం వంటి అక్రమ కార్యకలాపాలు వ్యక్తిగతంగా, కుటుంబపరంగా మరియు సమాజంలో తీవ్ర ప్రతికూల ప్రభావం చూపుతాయని పోలీసులు పేర్కొన్నారు. ఇటువంటి అసాంఘిక కార్యకలాపాలపై నిరంతర నిఘా కొనసాగుతుందని తెలిపారు.

ప్రజలు తమ పరిసరాల్లో జూదం, మట్కా, బెట్టింగ్ వంటి అక్రమ కార్యకలాపాలు గమనిస్తే వెంటనే పోలీసులకు సమాచారం ఇవ్వాలని పోలీసులు విజ్ఞప్తి చేశారు.