రాజక్కపల్లిలో ఘనంగా బాబు జగ్జీవన్ రామ్ జయంతి వేడుకలు

రాజక్కపల్లిలో ఘనంగా బాబు జగ్జీవన్ రామ్ జయంతి వేడుకలు

​వెల్గటూరు, ఏప్రిల్ 05 (నిఘా న్యూస్): మండల పరిధిలోని రాజక్కపల్లి గ్రామంలో భారత మాజీ ఉప ప్రధాని, స్వాతంత్య్ర సమరయోధుడు డాక్టర్ బాబు జగ్జీవన్ రామ్ జయంతి వేడుకలను ఆదివారం ఘనంగా నిర్వహించారు.

​గ్రామ సర్పంచ్ దోరిశెట్టి మల్లేషం ఆధ్వర్యంలో జరిగిన ఈ కార్యక్రమంలో, జగ్జీవన్ రామ్ చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా సర్పంచ్ మాట్లాడుతూ.. దేశాభివృద్ధికి, అట్టడుగు వర్గాల సంక్షేమానికి జగ్జీవన్ రామ్ చేసిన సేవలు చిరస్మరణీయమని కొనియాడారు. ఆయన ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు.

​ఈ కార్యక్రమంలో ఉప సర్పంచ్ పోచయ్య, వార్డు సభ్యులు బోడకుంటి తిరుపతి, బొడ్డు రమేష్, సైరా యూత్ సభ్యులు మరియు గ్రామస్తులు పాల్గొన్నారు.