శ్రీ వెంకటేశ్వర స్వామి వారిని దర్శించుకున్న మంత్రి అడ్లూరి లక్ష్మణ్ కుమార్.. ఘనంగా స్వాగతం పలికిన ఆలయ అర్చకులు.

గొల్లపల్లి: గొల్లపల్లి మండలం వేణుగుమట్ల - బొంకూర్ గ్రామాల్లో కొలువై ఉన్న శ్రీ వెంకటేశ్వర స్వామి వారిని రాష్ట్ర మంత్రి అడ్లూరి లక్ష్మణ్ కుమార్ ఈరోజు దర్శించుకున్నారు. ఆలయానికి చేరుకున్న మంత్రికి ఆలయ పూజారులు పూర్ణ కుంభంతో ఘనంగా స్వాగతం పలికారు. అనంతరం స్వామివారి సన్నిధిలో మంత్రి ప్రత్యేక పూజలు నిర్వహించి మొక్కులు చెల్లించుకున్నారు.

​బ్రహ్మోత్సవాల ఏర్పాట్లపై మంత్రి సమీక్ష:

శ్రీ వెంకటేశ్వర స్వామి ఆలయ వార్షికోత్సవంలో భాగంగా ఈనెల 23వ తేదీ నుండి 25వ తేదీ వరకు బ్రహ్మోత్సవాలు నిర్వహించనున్నారు. ఈ సందర్భంగా ఆలయంలో జరుగుతున్న బ్రహ్మోత్సవాల ఏర్పాట్ల గురించి మంత్రి అడిగి తెలుసుకున్నారు. జాతరకు వచ్చే భక్తులకు ఎటువంటి ఇబ్బందులు కలగకుండా అన్ని రకాల సౌకర్యాలు కల్పించాలని మంత్రి ఆలయ కమిటీ సభ్యులకు మరియు అధికారులకు సూచించారు.

​ఈ కార్యక్రమంలో ఆలయ కమిటీ సభ్యులు, ప్రజాప్రతినిధులు మరియు భక్తులు పాల్గొన్నారు.