తల్లికి వందనం నిధుల విడుదలకు ముహూర్తం.. జూలై 10న ఖాతాల్లో జమ!

ఆంధ్రప్రదేశ్ ప్రభుత్వం ప్రతిష్ఠాత్మకంగా అమలు చేస్తున్న 'తల్లికి వందనం' పథకం నిధుల విడుదలకు తేదీ ఖరారైంది. అర్హులైన లబ్ధిదారుల బ్యాంకు ఖాతాల్లో 2026 జూలై 10న నగదు జమ చేయనున్నట్లు సమాచారం.

ఈసారి పథకంలో కొన్ని కీలక మార్పులు చేశారు. గతంలో ఉన్న పరిమితులకు భిన్నంగా, ఒకే కుటుంబంలో ఎంతమంది అర్హులైన పిల్లలు ఉన్నా అందరికీ పథకం వర్తించేలా ప్రభుత్వం నిర్ణయం తీసుకుంది. ప్రతి విద్యార్థికి రూ.13,000 ఆర్థిక సహాయం అందించనుంది.

అయితే, పథకం ప్రయోజనం పొందాలంటే కనీసం 75 శాతం పాఠశాల హాజరు ఉండాలి. అలాగే, లబ్ధిదారుల బ్యాంకు ఖాతాకు e-KYC పూర్తి చేయడం తప్పనిసరి. ఈ నిబంధనలు పూర్తి చేసిన వారికి మాత్రమే నిధులు జమ కానున్నాయి.