www.ntodaynews.com
కోటీశ్వరులను చేయడమే ప్రభుత్వ లక్ష్యం
తెలంగాణ
కోటి మంది మహిళలను కోటీశ్వరులను చేయడమే ప్రభుత్వ లక్ష్యం: మంత్రి అడ్లూరి లక్ష్మణ్ కుమార్
NTODAY NEWS: గొల్లపల్లి ప్రతినిధి లక్ష్మణ్
రాష్ట్రంలోని కోటి మంది మహిళలను కోటీశ్వరులను చేయడమే ముఖ్యమంత్రి రేవంత్ రెడ్డి ప్రభుత్వ ప్రధాన లక్ష్యమని రాష్ట్ర సాంఘిక సంక్షేమ శాఖ మంత్రి అడ్లూరి లక్ష్మణ్ కుమార్ అన్నారు.
అంతర్జాతీయ మహిళా దినోత్సవం సందర్భంగా జగిత్యాల జిల్లా ఎండపల్లి మండలం రాజారాంపల్లి గ్రామంలో మణిదీప, వినాయక గ్రామ పరస్పర సహాయక పొదుపు మరియు పరపతి సహకార సంఘం నూతన భవనాన్ని మంత్రి ప్రారంభించారు.
మహిళా సంక్షేమంపై ప్రభుత్వం దృష్టి
ఈ సందర్భంగా మంత్రి మాట్లాడుతూ మహిళా సంక్షేమమే ప్రభుత్వానికి ప్రథమ ప్రాధాన్యత అని పేర్కొన్నారు. మహిళలకు అండగా ఉండాలనే ఉద్దేశంతో ముఖ్యమంత్రి రేవంత్ రెడ్డి తన తొలి సంతకాన్ని ఉచిత బస్సు ప్రయాణ పథకంపై చేశారని గుర్తుచేశారు.
ఆర్థికాభివృద్ధికి ప్రాధాన్యం
మహిళా సంఘాలకు కేవలం రుణాలు మాత్రమే కాకుండా ఆర్టీసీ బస్సులు నడిపే అవకాశాలు, పెట్రోల్ బంకులు మరియు సోలార్ పవర్ ప్లాంట్ల నిర్వహణ బాధ్యతలను కూడా ప్రభుత్వం అప్పగిస్తున్నట్లు మంత్రి తెలిపారు.
రాజారాంపల్లికి అభివృద్ధి హామీలు
రాజారాంపల్లి గ్రామంలో మహిళల స్వయం ఉపాధి కోసం మటన్ ప్రాసెసింగ్ యూనిట్తో పాటు మరిన్ని అభివృద్ధి పథకాలను మంజూరు చేస్తానని మంత్రి హామీ ఇచ్చారు.
ఈ సందర్భంగా గ్రామ సర్పంచ్ సంగ రమేష్ మాట్లాడుతూ మహిళా సంఘాల సభ్యులకు మరిన్ని ఉపాధి అవకాశాలు కల్పించాలని మంత్రిని కోరారు.
ఈ కార్యక్రమంలో జిల్లా అదనపు కలెక్టర్ లత, మార్కెట్ కమిటీ చైర్మన్ గోపిక, స్థానిక ప్రజాప్రతినిధులు మరియు మహిళా సంఘాల సభ్యులు పెద్ద సంఖ్యలో పాల్గొన్నారు.
#WomenEmpowerment #AdluriLaxmanKumar #RevanthReddy #Jagtial #InternationalWomensDay #TelanganaNews #NTodayNews
Follow us on
Website
Facebook
Instagram
YouTube 
