ఉక్రెయిన్ అధ్యక్షుడు జెలెన్‌స్కీతో ఎస్. జైశంకర్ భేటీ

న్యూఢిల్లీ: ఉక్రెయిన్ అధ్యక్షుడు వ్లాదిమిర్ జెలెన్‌స్కీతో భారత విదేశాంగ మంత్రి ఎస్. జైశంకర్ సమావేశమయ్యారు. ఈ సందర్భంగా ఇరు దేశాల మధ్య ద్వైపాక్షిక సంబంధాలు, విదేశాంగ మంత్రుల స్థాయి చర్చలపై సమీక్షించారు.

భారత్–ఉక్రెయిన్ సంబంధాలను మరింత బలోపేతం చేసే అంశాలపై ఇరువురు నేతలు చర్చించినట్లు సమాచారం. అలాగే ఉక్రెయిన్‌లో కొనసాగుతున్న యుద్ధానికి ముగింపు పలికేందుకు చేపట్టాల్సిన చర్యలు, శాంతి పునరుద్ధరణకు సంబంధించిన అంశాలపై కూడా చర్చ జరిగినట్లు తెలుస్తోంది.

ప్రాంతీయ, అంతర్జాతీయ పరిణామాలపై ఇరువురు నేతలు తమ అభిప్రాయాలను పంచుకున్నట్లు సమాచారం. శాంతి, స్థిరత్వం కోసం దౌత్యపరమైన చర్చలు కొనసాగాల్సిన అవసరంపై కూడా చర్చించినట్లు తెలుస్తోంది.