విద్యా సమస్యలపై 23న విద్యాసంస్థల బంద్

విద్యా రంగంలో పేరుకుపోయిన సమస్యలను తక్షణమే పరిష్కరించాలని డిమాండ్ చేస్తూ ఈ నెల 23న రాష్ట్రవ్యాప్తంగా పాఠశాలల బంద్‌కు ఏబీవీపీ పిలుపునిచ్చింది. ఈ మేరకు శనివారం మంచిర్యాలలో ఏబీవీపీ జిల్లా అధ్యక్షుడు అనిల్ కుమార్ విలేకరులతో మాట్లాడుతూ ఈ వివరాలను వెల్లడించారు.  

​ఈ సందర్భంగా ఆయన మాట్లాడుతూ.. రాష్ట్రంలోని కాంగ్రెస్ ప్రభుత్వం మరియు సీఎం రేవంత్ రెడ్డి కార్పొరేట్ విద్యాసంస్థలకు కొమ్ముకాస్తున్నారని తీవ్రస్థాయిలో మండిపడ్డారు. పేద విద్యార్థులకు మేలు చేసే విద్యాహక్కు చట్టాన్ని ప్రభుత్వం ఎందుకు అమలు చేయడం లేదని ఆయన సూటిగా ప్రశ్నించారు.  

​విద్యార్థుల న్యాయమైన సమస్యల సాధన కోసం శాంతియుతంగా చేపట్టే ఈ బంద్‌కు ప్రభుత్వ, ప్రైవేట్ విద్యాసంస్థల యాజమాన్యాలు సహకరించి విజయవంతం చేయాలని అనిల్ కుమార్ కోరారు