విద్యార్థుల ఖాతాల్లోకి అడ్వాన్స్‌ ఫీజు రీయింబర్స్‌మెంట్

తొలి విడతగా 1.35 లక్షల మంది విద్యార్థులకు రూ.527.58 కోట్లు జమ

తెలంగాణ | Ntoday News

తెలంగాణ ప్రభుత్వం ఫీజు రీయింబర్స్‌మెంట్‌ నిధులను విద్యార్థుల ఖాతాల్లో జమ చేస్తోంది. 2026–27 విద్యా సంవత్సరానికి సంబంధించి తొలి విడతలో 1.35 లక్షల మంది విద్యార్థులకు రూ.527.58 కోట్లను ప్రభుత్వం విడుదల చేసింది.

ఈ నిధుల్లో సుమారు రూ.66 కోట్లు స్కాలర్‌షిప్‌ల రూపంలో విద్యార్థులకు అందినట్లు సమాచారం. మొత్తం విడుదలైన నిధుల్లో ఇది దాదాపు 13 శాతంగా ఉంది.

ఇదిలా ఉండగా, అడ్వాన్స్‌ ఫీజు రీయింబర్స్‌మెంట్‌ పథకం కింద ప్రతి ఏడాది రూ.2,300 కోట్లు విడుదల చేస్తామని ముఖ్యమంత్రి రేవంత్‌రెడ్డి గత నెలలో ప్రకటించారు. ఫీజు రీయింబర్స్‌మెంట్‌ నిధులు అందుబాటులోకి రావడంతో విద్యార్థులు, వారి కుటుంబాలకు ఆర్థిక భారం కొంత మేర తగ్గనుంది.