ఆకతాయిల ఆటకట్టించిన పోలీసులు.. డీసీపీ భాస్కర్ ఆకస్మిక తనిఖీలు

మంచీర్యాల: రాత్రి వేళల్లో అనవసరంగా రోడ్లపై తిరుగుతూ ప్రజలకు ఇబ్బంది కలిగిస్తున్న ఆకతాయిలకు పోలీసులు గట్టి హెచ్చరికలు జారీ చేశారు. శనివారం రాత్రి డీసీపీ భాస్కర్ ఆధ్వర్యంలో మంచీర్యాల పట్టణంలోని ప్రధాన చౌరస్తాల్లో పోలీసులు విస్తృతంగా ఆకస్మిక తనిఖీలు చేపట్టారు.

​ఈ తనిఖీల్లో భాగంగా డ్రంకెన్ డ్రైవ్ పరీక్షలు నిర్వహించడంతో పాటు, అర్ధరాత్రి వేళల్లో అనుమానాస్పదంగా సంచరిస్తున్న పలువురు యువకులను అదుపులోకి తీసుకుని విచారించారు. అనంతరం వారికి పోలీస్ శైలిలో కౌన్సిలింగ్ ఇచ్చి పంపించారు.

​శాంతిభద్రతల పరిరక్షణలో భాగంగా పోలీసులు చేపట్టిన ఈ ముమ్మర తనిఖీల పట్ల పట్టణ ప్రజలు హర్షం వ్యక్తం చేస్తున్నారు. రాత్రి వేళల్లో ఇలాంటి నిఘా ఉండటం వల్ల భద్రత పెరుగుతుందని స్థానికులు కొనియాడారు