చిట్యాల చేనేత సహకార సంఘం పాలకవర్గం ఏకగ్రీవం

చిట్యాల చేనేత సహకార సంఘం పాలకవర్గ ఎన్నిక ఏకగ్రీవమైంది. మొత్తం 13 మంది నామినేషన్లు దాఖలు చేయగా, నలుగురు ఉపసంహరించుకోవడంతో పోటీలో తొమ్మిది మంది మిగిలారు. దీంతో ఎన్నికల అధికారి అయూబ్ ఈ 9 మందిని ఏకగ్రీవంగా ఎన్నికైనట్లు ప్రకటించారు. గంజి సుధాకర్, చెరుపల్లి శ్రీనివాసులు, మిర్యాల వెంకటేశ్వర్లు, కోట రాంబాబు, మిర్యాల ప్రకాష్, వడ్డేపల్లి రాములు, మిర్యాల నరేందర్, గంజి దేవకమ్మ, సంగిశెట్టి చంద్రకళ. ​పద్మశాలి పెద్దలు గత వారం రోజులుగా జరిపిన చర్చలు సఫలం కావడంతో ఈ ఏకగ్రీవం సాధ్యపడింది. ఈ సందర్భంగా సంఘం పెద్దలకు నూతన పాలకవర్గం కృతజ్ఞతలు తెలిపింది. ఈ నెల 9న ఆఫీస్ బేరర్లను ఎన్నుకునేందుకు ఎన్నికల అధికారి సమావేశం నిర్వహించనున్నారు.