ధాన్యం కొనుగోలు కేంద్రాలను పరిశీలించిన కలెక్టర్

​దండేపల్లి: ధాన్యం కొనుగోలు కేంద్రాలను పరిశీలించిన కలెక్టర్ కుమార్ దీపక్

దండేపల్లి మండలంలోని కన్నెపల్లి గ్రామంలో ఏర్పాటు చేసిన ధాన్యం కొనుగోలు కేంద్రాలను, గిడ్డంగులను (గోదాములను) జిల్లా కలెక్టర్ కుమార్ దీపక్ మంగళవారం మధ్యాహ్నం ఆకస్మికంగా పరిశీలించారు.

​ఈ సందర్భంగా ఆయన కేంద్రాల నిర్వాహకులు, అధికారులతో మాట్లాడి ధాన్యం కొనుగోలు ప్రక్రియ సాగుతున్న తీరును అడిగి తెలుసుకున్నారు. రైతులకు ఎలాంటి ఇబ్బందులు కలగకుండా వేగంగా కొనుగోళ్లు జరపాలని సూచించారు. అనంతరం కొనుగోలు చేసిన ధాన్యం బస్తాలను ఏమాత్రం ఆలస్యం చేయకుండా వెంటనే గోదాములకు తరలించాలని అధికారులను ఆదేశించారు.

​ఈ కార్యక్రమంలో దండేపల్లి తహశీల్దార్ రోహిత్, ఎంపీడీవో ప్రసాద్, స్థానిక రెవెన్యూ సిబ్బంది మరియు కొనుగోలు కేంద్రాల నిర్వాహకులు పాల్గొన్నారు