మహారాష్ట్రలో సంచలనం… గాడ్మ్యాన్ అరెస్ట్
మహారాష్ట్రలో సంచలనం… గాడ్మ్యాన్ అరెస్ట్
మహారాష్ట్రలో ఓ స్వయంఘోషిత గాడ్మ్యాన్ అరెస్ట్ కావడం రాష్ట్రవ్యాప్తంగా కలకలం రేపుతోంది. జ్యోతిష్యుడు, న్యూమరాలజిస్ట్గా పేరుగాంచిన అశోక్ కారత్పై లైంగిక వేధింపుల కేసు నమోదు చేసి పోలీసులు అదుపులోకి తీసుకున్నారు. నాసిక్కు చెందిన ఈ వ్యక్తికి రాజకీయ నేతలు, సినీ ప్రముఖులు, వ్యాపారవేత్తలతో సన్నిహిత సంబంధాలు ఉన్నట్లు తెలుస్తోంది.
పోలీసుల దర్యాప్తులో షాకింగ్ విషయాలు వెలుగులోకి వచ్చాయి. 2022 నవంబర్ నుంచి 2025 డిసెంబర్ వరకు 35 ఏళ్ల మహిళపై పలు మార్లు లైంగిక దాడి చేసినట్లు ఆరోపణలు ఉన్నాయి. బాధితురాలికి మత్తుమందు ఇచ్చి దాడులకు పాల్పడి, వాటిని వీడియోగా చిత్రీకరించి బ్లాక్మెయిల్ చేసినట్లు పోలీసులు వెల్లడించారు.
ఈ కేసులో భాగంగా 58 అసభ్య వీడియోలను పోలీసులు స్వాధీనం చేసుకున్నారు. అశోక్ కారత్పై భారతీయ న్యాయ సంహిత (BNS) సెక్షన్ 64 కింద అత్యాచారం కేసుతో పాటు ఇతర తీవ్ర నేరాల కింద కేసులు నమోదు చేశారు.
ఈ ఘటనపై రాజకీయ, సామాజిక వర్గాల్లో తీవ్ర ఆగ్రహం వ్యక్తమవుతోంది. నిందితుడి సంబంధాలు, ఇతర బాధితుల అంశంపై కూడా పోలీసులు అన్ని కోణాల్లో దర్యాప్తు కొనసాగిస్తున్నారు.
