నిరుపేదల సొంతింటి కల నిజం చేస్తున్న కాంగ్రెస్ ప్రభుత్వం.. బుగ్గారంలో ఇందిరమ్మ ఇంటిని ప్రారంభించిన మంత్రి అడ్లూరి

బుగ్గారం: నిరుపేదల సొంతింటి కలను నిజం చేయడమే కాంగ్రెస్ ప్రభుత్వ ప్రధాన లక్ష్యమని రాష్ట్ర మంత్రి అడ్లూరి లక్ష్మణ్ కుమార్ అన్నారు. ఆదివారం బుగ్గారం మండల కేంద్రంలో నక్క లక్ష్మి అనే లబ్ధిదారురాలికి మంజూరైన ఇందిరమ్మ ఇంటిని మంత్రి ఘనంగా ప్రారంభించారు.

​పేదల పక్షపాతి మన ప్రభుత్వం:

ఈ సందర్భంగా మంత్రి మాట్లాడుతూ.. అర్హులైన ప్రతి పేదవాడికి సొంతిల్లు ఉండాలనే ఉద్దేశంతో ప్రభుత్వం ఇందిరమ్మ ఇళ్ల పథకాన్ని అమలు చేస్తోందని తెలిపారు. లబ్ధిదారురాలు నక్క లక్ష్మికి ఇల్లు పూర్తి కావడం పట్ల ఆయన హర్షం వ్యక్తం చేశారు. నియోజకవర్గ వ్యాప్తంగా మంజూరైన అన్ని ఇందిరమ్మ ఇళ్లను యుద్ధ ప్రాతిపదికన, త్వరితగతిన పూర్తి చేసేలా చర్యలు తీసుకుంటామని మంత్రి హామీ ఇచ్చారు.

​ప్రభుత్వ పథకాలు ప్రతి నిరుపేద గడపకు చేరేలా అధికారులు, ప్రజాప్రతినిధులు కృషి చేయాలని ఆయన ఈ సందర్భంగా సూచించారు.

​ఈ కార్యక్రమంలో స్థానిక నాయకులు, అధికారులు మరియు గ్రామస్తులు పాల్గొన్నారు.