అమ్మవారికి కొబ్బరికాయల సమర్పణ
తెలంగాణ
చైత్ర మాస కుంభోత్సవం పురస్కరించుకుని అమ్మవారికి కొబ్బరికాయల సమర్పణ
NTODAY NEWS: శ్రీశైలం, నంద్యాల జిల్లా ప్రతినిధి మల్లికార్జున
చైత్ర మాసంలో పౌర్ణమి అనంతరం అమ్మవారికి కుంభోత్సవం నిర్వహించడం సంప్రదాయంగా కొనసాగుతోంది. ఈ ఏడాది ఏప్రిల్ 7న కుంభోత్సవం నిర్వహించనున్నట్లు దేవస్థాన వర్గాలు వెల్లడించాయి.
కుంభోత్సవం సందర్భంగా అమ్మవారికి సాత్త్విక బలి నిర్వహించడం ఆనవాయితీగా ఉంది. ఇందులో భాగంగా కొబ్బరికాయలు, గుమ్మడికాయలు, నిమ్మకాయలు తదితర నైవేద్యాలను సమర్పిస్తారు. కుంభోత్సవ దినాన స్త్రీ వేషధారణలో ఉన్న పురుషుడు అమ్మవారికి కుంభహారతి సమర్పించడం ప్రధాన ఘట్టంగా నిర్వహించబడుతుంది.
ఈ ఉత్సవాన్ని పురస్కరించుకుని మహాశివరాత్రి బ్రహ్మోత్సవాలు ముగిసిన వెంటనే ప్రతి మంగళవారం మరియు శుక్రవారం అమ్మవారికి కొబ్బరికాయలు సమర్పించే కార్యక్రమం చేపట్టారు. ఇందులో భాగంగా మంగళవారం (24-02-2026) అమ్మవారికి కొబ్బరికాయలు సమర్పించారు.
ముందుగా ఆలయ ప్రదక్షిణ మండపంలో కొబ్బరికాయలను రాశిగా పోసి పసుపు, కుంకుమలతో పూజలు నిర్వహించారు. అనంతరం వాటిని అమ్మవారికి సమర్పించారు.
#TempleRituals #Kumbhotsavam #ChaitraMasam #DevotionalNews #SpiritualTradition
Follow us on
Website
Facebook
Instagram
YouTube 
