గొల్లప్రోలులో తాగునీటి సమస్య నివారణకు ముందస్తు చర్యలు
గొల్లప్రోలులో తాగునీటి సమస్య నివారణకు ముందస్తు చర్యలు
మున్సిపల్ అధికారులతో జనసేన నాయకుల చర్చ
గొల్లప్రోలు మున్సిపాలిటీ పరిధిలో వేసవి కాలాన్ని దృష్టిలో ఉంచుకుని తాగునీటి సమస్యలు తలెత్తకుండా ముందస్తు చర్యలు తీసుకోవాలని జనసేన నాయకులు అధికారులను కోరారు.
పిఠాపురం నియోజకవర్గ ఎమ్మెల్యే మరియు ఆంధ్రప్రదేశ్ రాష్ట్ర ఉప ముఖ్యమంత్రి కొణిదల పవన్ కళ్యాణ్ సూచనల మేరకు జనసేన పార్టీ గొల్లప్రోలు టౌన్ ఇంచార్జ్ మామిడాల సూరిబాబు, నాయకులు బలిరెడ్డి గంగబాబు, బసా చిట్టిబాబు మున్సిపల్ కమిషనర్ శ్రీనివాస్ను కలిసి ఈ విషయంపై చర్చించారు.
ఈ సందర్భంగా వేసవి కాలంలో నీటి ఎద్దడి తలెత్తకుండా ముందస్తు చర్యలు తీసుకోవాలని, ముఖ్యంగా నీటి సరఫరా వ్యవస్థలో అంతరాయం కలగకుండా స్పేర్ మోటర్లు సిద్ధంగా ఉంచాలని సూచించారు.
స్థానిక ప్రజలు తాగునీటి కోసం ఎలాంటి ఇబ్బందులు పడకుండా మున్సిపల్ అధికారులు తగిన చర్యలు తీసుకోవాలని నాయకులు కోరారు.
