తాగునీటి సమస్య నివారణకు ముందస్తు చర్యలు
తెలంగాణ
వేసవిలో తాగునీటి సమస్య నివారణకు ముందస్తు చర్యలు
NTODAY NEWS: చిట్యాల, నల్గొండ జిల్లా
రానున్న వేసవిలో తాగునీటి కొరత తలెత్తకుండా చిన్న కాపర్తి గ్రామ పంచాయతీ ముందస్తు చర్యలు చేపట్టింది. ఇంటింటికీ సాగర్ నీటిని సరఫరా చేయాలనే లక్ష్యంతో గ్రామ సర్పంచ్ ఆవుల సుందరయ్య యాదవ్ ప్రత్యేక చర్యలు ప్రారంభించారు.
గ్రామంలోని ప్రధాన పైప్‌లైన్‌లను మరమ్మతు చేయించడంతో పాటు మొత్తం ఐదు గేట్‌వాల్వులను ఏర్పాటు చేసి శుక్రవారం ప్రారంభించారు. గ్రామ పంచాయతీ కార్యాలయానికి వెళ్లే దారిలో ఉన్న ప్రధాన పైప్‌లైన్‌ను సరిచేశారు. అదేవిధంగా 8వ వార్డులో రెండు గేట్‌వాల్వులు, 9వ వార్డులో ఒక గేట్‌వాల్వును నూతనంగా అమర్చారు.
ఈ చర్యలతో నీటి సరఫరా మరింత సక్రమంగా జరుగుతుందని సర్పంచ్ ఆశాభావం వ్యక్తం చేశారు. వేసవి కాలంలో గ్రామంలో తాగునీటి సమస్య లేకుండా చూడడమే తమ ప్రధాన లక్ష్యమని తెలిపారు. గ్రామ ప్రజల అవసరాలను దృష్టిలో ఉంచుకుని ముందస్తు ప్రణాళికతో పనులు చేపట్టినట్లు పేర్కొన్నారు.
ఈ కార్యక్రమంలో వార్డ్ సభ్యులు రుద్రారపు లక్ష్మణ్, రొండి నర్సింహా, పల్లపు పరమేశ్వరి ప్రశాంత్, ఈరమళ్ళ దయాకర్, వలిగొండ కవిత సత్యనారాయణ, దేశాపాక మధు, పెర్కా నాగరాజు, మాజీ సర్పంచ్ వలిగొండ సోమయ్య, కాంగ్రెస్ పార్టీ గ్రామ శాఖ ఉపాధ్యక్షుడు నందిపటి మహేష్, సామాజిక కార్యకర్త పొలిమేర దశరథ తదితరులు పాల్గొన్నారు.
#WaterManagement #SummerPreparedness #Chityal #NalgondaDistrict #DrinkingWater #VillageDevelopment
Follow us on
Website
Facebook
Instagram
YouTube 
