రాంనూర్లో ఘనంగా డా. బి.ఆర్. అంబేద్కర్ 135వ జయంతి వేడుకలు
రాంనూర్లో ఘనంగా డా. బి.ఆర్. అంబేద్కర్ 135వ జయంతి వేడుకలు
వెల్గటూర్ (రాంనూర్), ఏప్రిల్ 14:
జగిత్యాల జిల్లా వెల్గటూర్ మండలం రాంనూర్ గ్రామంలో భారత రాజ్యాంగ నిర్మాత, భారతరత్న డాక్టర్ బి.ఆర్. అంబేద్కర్ గారి 135వ జయంతి వేడుకలను మంగళవారం ఘనంగా నిర్వహించారు. అంబేద్కర్ యువజన సంఘం ఆధ్వర్యంలో ఏర్పాటు చేసిన ఈ కార్యక్రమంలో గ్రామస్తులు, యువకులు పెద్ద సంఖ్యలో పాల్గొని బాబాసాహెబ్ చిత్రపటానికి పూలమాలలు వేసి ఘనంగా నివాళులర్పించారు.
ఈ సందర్భంగా వ్యక్తులు మాట్లాడుతూ.. సామాజిక సమానత్వం, హక్కుల కోసం పోరాడిన అంబేద్కర్, దళితుల మరియు వెనుకబడిన వర్గాల ఆశాజ్యోతి అని కొనియాడారు. ఆయన రచించిన రాజ్యాంగం వల్లే నేడు మనందరికీ సమాన హక్కులు లభిస్తున్నాయని గుర్తుచేశారు. "చదువుకోండి, సంఘటితం అవ్వండి, పోరాడండి" అన్న ఆయన నినాదాన్ని ప్రతి ఒక్కరూ స్ఫూర్తిగా తీసుకోవాలని, కులరహిత సమాజ స్థాపనకు కృషి చేయాలని కోరారు.
పాల్గొన్న వారు:
ఈ కార్యక్రమంలో కుశ్నపెల్లి లక్ష్మణ్, సుధాకర్, కుశనపెల్లి సందీప్,కృపాకర్,రామిళ్ల వినోద్,,లింగంపల్లి రమేష్,కుశనపెల్లి రాజయ్య మరియు అంబేద్కర్ యువజన సంఘం సభ్యులు, గ్రామ ప్రజలు తదితరులు పాల్గొన్నారు.
