ఉరివేసుకుని వృద్ధుడు ఆత్మహత్య

ఉరివేసుకుని వృద్ధుడు ఆత్మహత్య

వృద్ధాప్య సమస్యలు, అనారోగ్యం తాళలేక ఓ వృద్ధుడు ఉరివేసుకొని ఆత్మహత్య చేసుకున్న సంఘటన నల్గొండ జిల్లా చిట్యాల మండలం వెలిమినేడు గ్రామంలో సోమవారం చోటుచేసుకుంది. పోలీసులు తెలిపిన వివరాల ప్రకారం  వెలిమినేడు గ్రామానికి చెందిన నీలా పాండురయ్య (70) గత కొంతకాలంగా వృద్ధాప్య భారంతో పాటు తీవ్ర అనారోగ్య సమస్యలతో బాధపడుతున్నాడు. ఈ క్రమంలో జీవితంపై విరక్తి చెంది సోమవారం (జూలై 20) ఉదయం దాదాపు 07:00 గంటల ప్రాంతంలో తన నివాసంలో ఉరివేసుకొని బలవన్మరణానికి పాల్పడ్డారని తెలిపారు. మృతుడి పెద్ద కుమారుడు నీలా వెంకటరావు ప్రసాద్ ఇచ్చిన ఫిర్యాదు మేరకు కేసు నమోదు చేసుకొని దర్యాప్తు జరుపుతున్నట్లు చిట్యాల సబ్ ఇన్‌స్పెక్టర్  ఎం. రవికుమార్ తెలిపారు.