Gudur: ఎస్సీ స్మశానవాటిక సీసీ రోడ్డు పనులు ప్రారంభం.. ఎమ్మెల్యే కుంభం అనిల్ కుమార్ రెడ్డి సహకారం

అన్నమయ్య జిల్లా | NTODAY NEWS

అన్నమయ్య జిల్లా గూడూరు గ్రామంలో ఎమ్మెల్యే కుంభం అనిల్ కుమార్ రెడ్డి సహకారంతో ఎస్సీ స్మశానవాటికకు సీసీ రోడ్డు నిర్మాణ పనులు చురుకుగా కొనసాగుతున్నాయి. గ్రామ ప్రజలకు మెరుగైన మౌలిక సదుపాయాలు కల్పించే దిశగా ఈ పనులు చేపట్టినట్లు స్థానిక ప్రజాప్రతినిధులు తెలిపారు.

సీసీ రోడ్డు నిర్మాణ పనులను గ్రామ సర్పంచ్ బింగి అలివేలు శ్రీనివాస్, ఉప సర్పంచ్ జానా సత్యనారాయణ ప్రారంభించారు. ఈ సందర్భంగా గ్రామాభివృద్ధికి అవసరమైన పనులను దశలవారీగా పూర్తి చేసి ప్రజలకు మెరుగైన సౌకర్యాలు కల్పించేందుకు కృషి చేస్తున్నట్లు తెలిపారు.

ఈ కార్యక్రమంలో పంచాయతీరాజ్ ఏఈ రాకేష్ కుమార్, పాలకవర్గ సభ్యులు తరుపునూరు అశ్విని బాలరాజ్ గౌడ్, కసగౌని అరుణ సత్యం గౌడ్, బింగి లావణ్య రమేష్, బింగి సంజయ్ కుమార్, గ్రామపంచాయతీ కార్యదర్శి ఎం.డి. నజీర్ తదితరులు పాల్గొన్నారు.